मुधोजी प्राथमिक विद्यामंदिरमध्ये 75 वा प्रजासत्ताक दिन उत्साहात साजरा

फलटण प्रतिनिधी :

फलटण एज्युकेशन सोसायटीच्या मुधोजी प्राथमिक विद्यामंदिरमध्ये देशाचा 75 वा प्रजासत्ताक दिन मोठ्या दिमाखात व आनंदात साजरा करण्यात आला.

 मुधोजी प्राथमिक विद्यामंदिर फलटण शाळा समिती सदस्य शिरीष शरदकुमार दोशी यांच्या शुभहस्ते ध्वजारोहन करण्यात आले. यावेळी(शाळा समिती निमंत्रित सदस्या)श्रीमती निर्मला रणवरे, प्रशासन अधिकारी अरविंद निकम तसेच प्रशालेचे मुख्याध्यापक रुपेश शिंदे उपस्थित होते व नविन प्राथमिकच्या मुख्याध्यापिका, मुधोजी बालक मंदिरच्या मुख्याध्यापिका व नवीन बालक मंदिरच्या मुख्याध्यापिका उपस्थित होत्या. यावेळी प्रथम ध्वजारोहन,राष्ट्रीय सलामी, राष्ट्रगीत,ध्वज प्रतिज्ञा, ध्वजगीत,संविधान,महाराष्ट्र गीत, गुणवंत विद्यार्थ्यांचा व मैदानी स्पर्धा गाजवलेल्या विद्यार्थ्यांचा गुणगौरव यावेळी मान्यवरांच्या हस्ते करण्यात आला. तसेच इयत्ता पहिली व दुसरीच्या बालकलाकारांनी देशभक्तीपर विविध गीतांवरती नृत्यात्मक कवायत प्रकार व देशभक्तीपर आकर्षक नृत्य सादर केली व उपस्थित सर्व प्रेक्षकांची मने जिंकून घेतली त्यानंतर सर्व विद्यार्थ्यांना खाऊचे वाटप करण्यात आले.