रामराजेंनी माझ्या पाठीत खंजीर खुपसला - ज्येष्ठ नेते प्रल्हादराव साळुंखे पाटील

फलटण तालुक्यामध्ये कै. श्रीमंत शिवाजीराजे, कै.कृष्णचंद्र भोईटे,कै. चिमणराव कदम यांनीही तालुक्याचे नेतृत्व केले मात्र रामराजेंनी राजकीय जीवनाबरोबरच खाजगी जीवन उद्ध्वस्त करण्याचे खालच्या पातळीवरचा राजकारण केलेचे सांगत रामराजेंनी केलेल्या कट कारस्थानाचा आपण त्यांना धडा शिकवू असा विश्वास यावेळी साळुंखे पाटील यांनी व्यक्त केला

फलटण शुगर वर्क्स हा साखर कारखाना मी चालवत असताना जाणीवपूर्वक कारखान्याला अडथळा आणत राजकीय सूडबुद्धीने माझ्या भोळेपणाचा फायदा घेत आमदार रामराजे नाईक निंबाळकर यांनी माझ्या पाठीत खंजीर खुपसल्याचा सणसणीत आरोप ज्येष्ठ नेते प्रल्हादराव साळुंके - पाटील यांनी केला ते साखरवाडी येथे झालेल्या खासदार रणजितसिंह नाईक निंबाळकर यांच्या फलटण तालुका संपर्क दौऱ्या दरम्यान बोलत होते.

यावेळी  माजी सनदी अधिकारी विश्वासराव भोसले, धनंजय साळुंखे पाटील, सातारा जिल्हा भाजपा सरचिटणीस जयकुमार शिंदे, फलटण तालुका अध्यक्ष बजरंग गावडे, ॲड.नरसिंह निकम, सुशांत निंबाळकर, स्वराज पतसंस्थेचे चेअरमन अभिजित नाईक निंबाळकर, माजी नगरसेवक अशोकराव जाधव, बबलू मोमीन, माजी नगरसेवक जाकीर मणेर,विक्रम भोसले माजी सरपंच साखरवाडी, शहराध्यक्ष अमोल सस्ते, अमित रणवरे, साखरवाडी सरपंच सौं. जाधव भाजपा महिला आघाडीच्या सौ. उषा राऊत, साखरवाडी, जिंती, होळ, सस्तेवाडी. निंभोरे, खामगांव आदी भागातील आजी माजी पदाधिकारी उपास्थित होते.

 यावेळी पुढे बोलताना ज्येष्ठ नेते प्रल्हादराव साळुंखे पाटील म्हणाले, मी व त्याचबरोबर माझे ज्येष्ठ चिरंजीव धनंजयदादा यांच्याकडून कारखान्याविषयी माहिती घेत माझ्यावर राजकीय सूड बुद्धीतून षडयंत्र रचत कारखान्याला अडचणीत आणण्याचा राजकारणातील किळसवाना प्रकार रामराजे यांनी केल्याचे यावेळी साळुंखे -  पाटील यांनी निदर्शनात आणून दिले.

 यापूर्वी फलटण तालुक्यामध्ये कै. श्रीमंत शिवाजीराजे, कै.कृष्णचंद्र भोईटे, कै. चिमणराव कदम यांनीही तालुक्याच्या नेतृत्व केले मात्र रामराजेंनी राजकीय जीवनाबरोबरच खाजगी जीवन उद्ध्वस्त करण्याचे खालच्या पातळीवरचे राजकारण केलेचे सांगत रामराजेंनी केलेल्या कट कारस्थानाचा आपण त्यांना धडा शिकवू असा विश्वास यावेळी साळुंखे पाटील यांनी व्यक्त केला.

 श्रीराम कारखाना सुरू करण्यासाठी फलटण शहरातून व्यापाऱ्यांकडून तब्बल 10 ते 12 कोटी रुपये रामराजे यांनी जमा केले होते त्या पैशाचे पुढे काय झाले असा सवाल उपस्थित करून श्रीराम चा जवाहर कारखान्याबरोबर केलेला नवीन करारामुळे या कारखान्याचे खाजगीकरण झाल्याचे साळुंके- पाटील यांनी निदर्शनात आणून दिले.

 श्रीराम सहकारी साखर कारखान्यासह तालुका दूध पुरवठा संघ,मार्केट कमिटी यासह फलटण तालुक्यातील सहकार चळवळ रामराजे यांनी मोडीत काढल्याचा आरोप यावेळी प्रल्हादराव साळुंखे - पाटील यांनी केला.

 खासदार रणजितसिंह नाईक निंबाकर यांच्या संपर्क दौऱ्या ऐवजी याला आपण राजकारणाच्या परिवर्तनाला मेळावा असे संबोधून फलटण तालुक्याचे राजकीय परिवर्तन करू असे सांगत फलटण तालुक्याच्या राजकारणाला साखरवाडी दिशा देण्याचे काम करत असते आजची साखरवाडीतील सभा म्हणजे बदलत्या राजकीय परिवर्तनावर शिक्का मोर्तब झाल्याचे साळुंखे - पाटील यांनी सांगितले.

 आपल्यावर कटकारस्थान करत राजकीय व वैयक्तिक जीवन संपवण्यासाठी सूडबुद्धीने राजकारण करणारे रामराजे यांना धडा शिकवत पाटील काय चीज आहे हे दाखवून देईल असा विश्वास शेवटी प्रल्हादराव साळुंखे पाटील यांनी व्यक्त केला.

आमदार रामराजे एका कार्यक्रम प्रसंगी आपणास नुकतेच भेटले होते. त्यावेळी खासदार रणजितसिंह आपल्या पेक्षा वयाने लहान आहेत त्यांच्यावर आरोप प्रत्यारोप करू नका असा सल्ला त्यांना दिला असून आपलले आता वय झाले आहे आपण दोघेही एकत्रच राजकीय संन्यासाची पत्रकार परिषद घेऊ असा सल्ला दिल्याचे प्रल्हादराव साळुंखे - पाटील यांनी सांगितले.

 खासदार रणजितसिंह दादांच्या बरोबर आपण माझे सुपुत्र धनंजयदादांना राजकारणासाठी पूर्ण वेळ दिले असून योग्य ठिकाणी आपण मार्गदर्शन करू असे प्रल्हादराव साळुंखे पाटील यांनी सांगितले.