फलटण नगर पालिकेत जागतिक महिला दिन संपन्न : विविध स्पर्धांचे आयोजन

फलटण येथील नगरपालिकेच्या माध्यमातून स्वच्छ सर्वेक्षण अभियान 2023 व माजी वसुंधरा अभियान 3.0 अंतर्गत जागतिक महिला दिनानिमित्त फलटण नगर परिषदेतील सर्व महिला कर्मचाऱ्यांसाठी खास संगीत खुर्ची, लिंबू चमचा व उखाणा स्पर्धेचे आयोजन करण्यात आले होते. सहभागी महिलांना सन्मानपत्र त्याचबरोबर पहिल्या तीन स्पर्धकांना पैठणी साडी बक्षीस म्हणून देण्यात आली.

8 मार्च हा दिवस जागतिक महिला दिन म्हणून सर्वत्र साजरा करण्यात येतो. या दिवशी महिलांचा उचित सन्मान होण्यासाठी फलटण नगर परिषदेमध्ये विविध विभागातील महिलांना मुख्याधिकारी पदावर तसेच इतर विभागातील विभाग प्रमुख पदावर काम करण्याची संधी एका विशिष्ट आदेशद्वारे देण्यात आली. महिलांच्या निगडित समस्यांचा प्राधान्याने विचार करण्यात यावा याकरिता मुख्याधिकारी तथा प्रशासक संजय गायकवाड यांनी ही अभिनव संकल्पना राबवली. या अभिनव संकल्पनेमुळे संजय गायकवाड यांचे महिलांनी विशेष अभिनंदन व कौतुक केले आहे.

 या अभिनव संकल्पनेतून मुख्याधिकारी म्हणून श्रीमती वर्षा काशिनाथ बडदरे यांनी काम पहिले तर श्रीमती साधना सुभाष पवार यांनी वसुली अधीक्षक वसुली विभाग आस्थापना प्रमुख म्हणून कार्याभार सांभाळला. श्रीमती विभावरी विश्वनाथ देसाई - नगर अभियंता, श्रीमती सिमरन नसीमअहमद पठाण - सहाय्यक नगरारचनाकार, श्रीमती राजश्री रामचंद्र परबतराव - लेखापाल, श्रीमती काजल अंबादास शिंदे - भांडारपाल, श्रीमती काजल चंद्रकांत अहिवळे - विभाग प्रमुख नागरी सुविधा केंद्र, श्रीमती शैला नंदू पोळ - सहाय्यक निरीक्षक आरोग्य विभाग, श्रीमती मेघा संजय कर्णे - स्वच्छता निरीक्षक आरोग्य विभाग, श्रीमती सुनिता महेंद्र अहिवळे - मुकादम आरोग्य विभाग, श्रीमती सुलोचना सखाराम आत्राम - विभागप्रमुख अभिलेख कक्ष, श्रीमती शुभांगी प्रल्हाद गायकवाड - सुपरवायझर पाणीपुरवठा अग्निशमन विभाग, श्रीमती मीना धनंजय वाळा - संगणक अभियंता संगणक विभाग आदी महिलांनी एक दिवस प्रशासकीय कामकाज पहिले.

 फलटण येथील नगरपालिकेच्या माध्यमातून स्वच्छ सर्वेक्षण अभियान 2023 व माजी वसुंधरा अभियान 3.0 अंतर्गत जागतिक महिला दिनानिमित्त फलटण नगर परिषदेतील सर्व महिला कर्मचाऱ्यांसाठी खास संगीत खुर्ची, लिंबू चमचा व उखाणा स्पर्धेचे आयोजन करण्यात आले होते. सहभागी महिलांना सन्मानपत्र त्याचबरोबर पहिल्या तीन स्पर्धकांना पैठणी साडी बक्षीस म्हणून यावेळी देण्यात आली. कार्यक्रमाचे आयोजन फलटण नगर परिषदेच्या माध्यमातून आठ मार्च रोजी दुपारी तीन वाजता नगर परिषदेच्या आवारात करण्यात आले होते.

विविध स्पर्धेतील विजयी स्पर्धक पुढील प्रमाणे उखाणा स्पर्धा प्रथम क्रमांक सौ. शैला पोळ, द्वितीय क्रमांक मनीषा काकडे, तृतीय क्रमांक सुरेखा जाधव, लिंबू चमचा स्पर्धा विजेती प्रथम क्रमांक काजल शिंदे, द्वितीय क्रमांक आरती काकडे, तृतीय क्रमांक स्वाती अहिवळे तर संगीत खुर्ची स्पर्धेत प्रथम क्रमांक आशा काकडे, द्वितीय क्रमांक आरती वाघेला, तृतीय क्रमांक काजल अहिवळे यांनी मिळवीला. यावेळी स्वच्छ भारत या विषयी प्रश्नमंजुषा घेण्यात आली. 'मुलगी वाचवा 'या संकल्पेनेचे सादरीकरण करण्यात आले. विविध स्पर्धेतील पहिल्या तीन विजेत्या महिलांना पैठणी साडी बक्षीस म्हणून देण्यात आली.