निरा - देवघरच्या प्रलंबित कामासह फलटण -पंढरपूर रेल्वेला प्रशासकीय मान्यता

गेली अनेक वर्ष प्रलंबित असणारा निरा देवघरच्या उर्वरित कामांना उपमुख्यमंत्री देवेंद्र फडणवीस यांच्या अध्यक्षतेखाली झालेल्या मुंबई येथील बैठकीमध्ये  प्रशासकीय मान्यता मिळाली असल्याने या तालुक्यातील शेतकऱ्यांनी गावागावात फटाके वाजवून दिवाळी साजरी केली.

खंडाळा फलटण माळशिरस सांगोला या दुष्काळी भागातील तालुक्यांना वरदान ठरणाऱ्या निरा देवघर धरण अंतर्गत कालव्या स्ह अन्य प्रलंबीत कामांना ३९७३ कोटी, फलटण - पंढरपूर रेल्वे मार्गाच्या १ हजार २०० कोटी रूपयांच्या कामांना आज प्रशासकीय कामांना राज्याचे उपमुख्यमंत्री देवेंद्र फडणवीस यांनी आज मंजुरी दिली असुन अन्य फलटण तालुक्यातील कामांनाही आर्थिक तरतुदी सह मंजुरी दिली असल्याची माहिती खा. रणजितसिंह यांनी दिली आहे.

आज मुंबई येथे झालेल्या बैठकीत उपमुख्यमंत्री फडणवीस यांनी माढा लोकसभा मतदारसंघातील विविध कामांना प्रशासकीय मान्यता दिली असल्याचे सांगत फलटण निरा देवधर अपुर्ण व प्रलंबीत कामे पुर्ण करणे हा शब्द आपण जनतेला दिला होता तो आजपुर्ण झाला आहे या कामांमुळे फलटण तालुक्यातील १३५५० हेक्टर क्षेत्र माळशिरस तालुक्यातील १०९७०हेक्टर क्षेत्र ओलीता खाली येणार आहे दोन्ही तालुक्याच्या लाभक्षेत्रातील ६७गावातील शेतकऱ्यांना लाभ होणार असल्याचे त्यांनी निदर्शनास आणून दिले.

वरील महत्वपुर्ण कामांशिवाय नाईक बोमवाडी ( ता. फलटण ) येथील नियोजीत औद्योगिक वसाहतीस मान्यता, झिरपवाडीतील बंद अवस्थेत असणाऱ्या ग्रामीण रूग्णालय सुरू करण्याचे निर्देश फडणवीस यांनी दिले असुन या कामासाठी ६२ कोटीची आर्थिक तरतूदही करण्यात आली आहे, फलटण व माढा तालुक्यात मंजुर असणाऱ्या सेशन न्यायालयाच्या इमारत व इतर सुविधा निर्मितीसाठी आवश्यक निधीही मंजुर झाला आहे, १००केव्हिए क्षमतेचे ३०० नवीन विद्युत रोहित्र मंजुर करण्यात आले असल्याचे खा. नाईक निंबाळकर यांनी सांगितले आहे.

निवडुन आल्यानंतर जनतेला दिलेली आश्वासनांपैकी निरा देवघर अपुर्ण कामे करण्याचा शेवटचे काम होते ते काम सुरू होणार असल्याने आपणास आनंद होत आहे.

मुंबईतील बैठकीकडे या तालुक्यातील अनेकांचे कान लागते होते . खासदारांच्या विविध कामांना उपमुख्यमंत्री फडणवीस यांनी आर्थिक तरतुदी सहप्रशासकीय मान्यता दिल्याची वार्ता वाऱ्यासारखी फलटण भागात धडकली भाजप पदाधिकारी कार्यकर्त्यांनी चौकाचौकात फटाके फोडुन राज्य सरकार, मुख्यमंत्री उपमुख्यमंत्री, खा. रणजितसिंह यांच्या नावाचा जयघोष करीत आनंद व्यक्त केला.

लोकनेते स्वर्गीय हिंदुराव यांचे अखेर स्वप्न साकार

निरा देवघर धरण व्हावे यासाठी सर्वप्रथम खासदार म्हणुन निवडणुन आल्यानंतर स्वर्गीय हिंदुराव नाईक निंबाळकर यांनी शिखर शिंगणापूरपासुन पदयात्रा काढली होती खासदारकीची विजयी मिरवणुक न काढता हारतुरे न स्वीकारता धरण निर्मितीसाठी पदयात्रेच्या माध्यमातुन आंदोलन सुरू केले या आंदोलनाचे कौतुक सर्वत्र झाले यानंतर (२०१९ ) त्यांचे सुपूत्र खासदार झाले त्यांनी आपल्या वडिलांनी पाहिली स्वप्ने ( रेल्वे निरा देवघर व अन्य प्रकल्प ) त्यांचे चिरंजीव आजपर्ण करताना दिसतात