विडणी सोसायटी निवडणूक : 13 जागेसाठी 27 उमेदवार रिंगणात

विडणी ( ता. फलटण ) विविध कार्यकारी सहकारी सोसायटी निवडणुकसाठी 13 जागेसाठी २७ उमेदवार रिंगणात उतरले असून ही निवडणुक दुरंगी लढत होणार असल्याचे चिञ स्पष्ट झाले आहे.

फलटण तालुक्यात कोट्यावधी रुपायांची उलाढाल असलेली सर्वात मोठी विडणी विविध कार्यकारी सहकारी सोसायटी निवडणुक कार्यक्रम जाहीर झाल्यानंतर  ५९ उमेदवारांनी अर्ज दाखल केले होते. अर्ज माघारी घेण्याच्या शेवटच्या दिवशी ३२ जणांनी अर्ज माघारी घेतलेने तर २७ उमेदवार रिंगणात आहेत. १३ जागेसाठी २७ उमेदवार निवडणूक रिंगणात असून एक अपक्ष उमेदवार सोडला तर दुरंगी लढत होणार असल्याचे चिञ स्पष्ट झाले आहे.

या निवडणुकीत भाजप व (शिवसेना) शिंदेगट व मित्र पक्ष  तर राष्ट्रवादी काँग्रेस राजेगट असा सामना पाहायला मिळणार आहे.

 विडणी सोसायटीचे १३ संचालक पदासाठी निवडणुक होत आहे. सोसायटीचे एकूण सभासद २१२१ आहेत. थकीबाकी मुळे २१४ सभासद अपाञ असल्याने १९०७ सभासद मतदानाचा हक्क बजावणार आहेत, शनिवार  दि.१८ मार्च रोजी सकाळी आठ ते सायंकाळी चारवाजेपर्यंत पर्यत विडणी येथे मतदान होणार असून त्याच दिवशी त्याच ठिकाणी मत मोजणी करुन निकाल जाहीर करणेत येणार आहे.

या सोसायटीवर राष्ट्रवादी काँग्रेसची सत्ता असून सत्ता परिवर्तन करणेसाठी फलटण तालुक्याचे नेतेमंडळीनी लक्ष घातले आहे.

फलटण तालुक्यातील आठ सोसायटीचा निवडणुक कार्यक्रम लागला असून यामध्ये भैरवनाथ सोसायटी राजुरी, भैरवनाथ सोसायटी, सासवड, मठाचीवाडी सोसायटी फरांदवाडी, सोसायटी अशा चार सोसायटी बिनविरोध झाल्या तर गोखळी सोसायटी कुरवली खुर्द सोसायटी सहकार महर्षी हणमंतराव पवार सोसायटी पवारवाडी विडणी सोसायटी अशा चार सोसायटीची निवडणुक लागली असल्याचे निवडणुक निर्णय अधिकारी सुनिल धायगुडे यांनी माहीती दिली.