दि हॉकी सातारा संघटनेच्या पाच महिला खेळाडूना ब्राँझ पदक

फलटण प्रतिनीधी– दि हॉकी सातारा संघटनेच्या पाच महिला खेळाडू कु. अनुष्का चव्हाण, कु अनुष्का केंजळे,कु.श्रेया चव्हाण कु.निकिता वेताळ व कु.तेजस्विनी कर्वे यांनी पहिल्या वेस्ट झोन महिला हॉकी स्पर्धेमध्ये ब्रांझ पदक प्राप्त केल्याची माहिती माजी तालुका क्रीडा अधिकारी सातारा हॉकी संघटनेचे सचिव महेश खुटाळे यांनी दिली.

हॉकी इंडिया अंतर्गत हॉकी महाराष्ट्र यांच्या मान्यतेने दि हॉकी सातारा संघटनेच्या व मुधोजी हायस्कूल व कनिष्ठ महविद्यालयाच्या पाच महिला खेळाडू अनुष्का केंजळे, अनुष्का चव्हाण,श्रेया चव्हाण तेजस्विनी कर्वे, व निकिता वेताळ यांची गुजरात (सुरत) येथे झालेल्या पहिल्या वेस्ट झोन महिला हॉकी चॅम्पियनशिप स्पर्धा मध्ये महाराष्ट्राच्या संघामध्ये निवड झालेली होती. त्यांनी सुरत येथील राष्ट्रीय स्पर्धांमध्ये महाराष्ट्राच्या संघाचे प्रतिनिधीत्व केले .सातारा जिल्ह्याच्या तेजस्विनी कर्वे, श्रेया चव्हाण, निकिता वेताळ अनुष्का चव्हाण व अनुष्का केंजळे अशा पहिल्यांदाच पाच हॉकी खेळाडूंना महाराष्ट्रात हॉकी संघाचे प्रतिनिधित्व करण्याची संधी मिळाली आहे. त्याचे सोने करत त्यांनी उत्कृष्ट खेळ करत पहिल्या वेस्ट झोन महिला हॉकी स्पर्धेमध्ये ब्राँझ पथक प्राप्त केले.

 सुरत येथे आयोजित करण्यात आलेल्या पहिल्या वेस्ट झोन महिला हॉकी स्पर्धेमध्ये श्रेया चव्हाण, निकिता वेताळ, अनुष्का चव्हाण अनुष्का केंजळे तेजस्विनी कर्वे यांनी उत्कृष्ट खेळ करत महाराष्ट्राच्या संघाला ब्राँझ पदक प्राप्त करून दिले.त्यांना दि हॉकी सातारा संघटनेचे सचिव तथा ज्येष्ठ हॉकी प्रशिक्षक महेश खुटाळे व हॉकी प्रशिक्षक सचिन धुमाळ प्रशिक्षण देत आहेत.तसेच प्रशिक्षणामध्ये सहाय्यक म्हणून बी बी खुरंगे सहाय्य करत आहेत.

 या पाच महिला खेळाडूंचा सत्कार विधान परिषदेचे माजी सभापती श्रीमंत रामराजे नाईक निंबाळकर यांच्या हस्ते करण्यात आला. त्याप्रसंगी प्रशिक्षक व खेळाडूंनी फलटण येथे आंतरराष्ट्रीय दर्जाचे होकीचे ॲस्ट्रोटर्फ मैदान उपलब्ध व्हावे अशी विनंती आ. रामराजेना केली.

 यावेळी बोलताना आ. रामराजेनी फलटण मध्ये हॉकीचा आंतरराष्ट्रीय खेळाडू घडावा याकरिता आंतरराष्ट्रीय दर्जाचे हॉकीचे ॲस्ट्रोटर्फ मैदान फलटण येथे निर्माण करणे बाबत पूर्णतः सहकार्य करण्याचे आश्वासन दिले. जेणेकरून फलटण मधील व एकूणच सातारा जिल्ह्यातील हॉकी खेळाडूंना ॲस्ट्रोटर्फ मैदानावर सराव करण्याची संधी प्राप्त होऊन येणाऱ्या काळामध्ये आंतरराष्ट्रीय खेळाडू तयार होण्यास मदत होईल.

 सर्व प्रशिक्षक व खेळाडूंचे विधान परिषदेचे मा.सभापती श्रीमंत रामराजे नाईक निंबाळकर , फलटण कोरेगाव मतदार संघाचे आमदार दीपकराव चव्हाण , कृषी उत्पन्न बाजार समितीचे चेअरमन श्रीमंत रघुनाथराजे नाईक निंबाळकर, महाराष्ट्र खो-खो असोसिएशनचे अध्यक्ष श्रीमंत संजीवराजे नाईक निंबाळकर, मधोजी हायस्कूलचे प्राचार्य सुधीर अहीवळे व दि हॉकी सातारा संघटनेचे अध्यक्ष बाहुबली शहा, उपाध्यक्ष सचिन लाळगे खजिनदार पंकज पवार, सदस्य प्रवीण गाडे, महेंद्र जाधव, माजी राष्ट्रीय खेळाडू शिरीष वेलणकर, सुजीत निंबाळकर यांनी अभिनंदन केले आहे.