निवडणूक विषयक तयारी पूर्ण : सहायक निवडणूक निर्णय अधिकारी सचिन ढोले

फलटण प्रतिनीधी :- लोकसभा सार्वत्रीक निवडणूक 2024 चे अनुषंगाने 43 माढा लोकसभा मतदार संघ अंतर्गत 255 फलटण (अ.जा.) विधानसभा मतदार संघातील निवडणूक विषयक तयारी पूर्ण झाली असल्याची माहिती 43 माढा लोकसभा मतदार संघ अंतर्गत 255 फलटण (अ.जा.) विधानसभा मतदार संघ सहायक निवडणूक निर्णय अधिकारी सचिन ढोले यांनी दिली आहे.

43 माढा लोकसभा मतदार संघ अंतर्गत 255 फलटण (अ.जा.) विधानसभा मतदार संघामध्ये 163939 स्त्री मतदार 172046 पुरुष मतदार 14 इतर असे 335999 एकूण मतदार आहेत. मतदान केंद्राची संख्या 341 असून प्रत्येक मतदान केंद्रावर 1 मतदान केंद्राध्यक्ष, 4 मतदान अधिकारी व 1 मतदान कर्मचारी नियुक्त करणेत आलेला आहे. तसेच प्रत्येक मतदान केंद्रावर 1 पोलीस कर्मचारी तैनात करणेत आलेला आहे. 43 माढा लोकसभा मतदार संघ अंतर्गत 255 फलटण (अ.जा.) विधानसभा मतदार संघामध्ये राखीव अधिकारी/कर्मचारी यांचेसह एकूण 2625 अधिकारी/कर्मचारी तैनात करणेत आलेले आहेत.

दि.7/5/2024 रोजी होणा-या मतदानाच्या अनुषंगाने मतदान केंद्रावर नियुक्त केलेले अधिकारी/कर्मचारी यांना दि.6/5/2024 रोजी सकाळी ठिक 9 वाजता शासकीय धान्य गोदाम, अधिकार गृहासमोर, फलटण या ठिकाणी बोलावणेत आलेले आहे. सदर ठिकाणी एकूण 17 टेबल वरुन साहित्य वाटपाचे काम करणेत येणार आहे. तसेच 2 टेबल राखीव ठेवणेत आलेली आहेत. मतदान साहित्य संबंधीत अधिकारी/कर्मचारी यांचे ताब्यात दिलेनंतर सर्व मतदान अधिकारी/कर्मचारी यांना एस.टी. बसेस व इतर वाहनाने मतदान केंद्रावर पोहोच करण्याचे नियोजन करणेत आलेले आहे. त्यासाठी 51 एस.टी. बसेस व 3 जीप व्दारे सर्व अधिकारी/कर्मचारी एकूण 341 मतदान केंद्रावर पोहोच करणेत येणार आहे.

43 माढा लोकसभा मतदार संघ अंतर्गत 255 फलटण (अ.जा.) विधानसभा मतदार संघामध्ये असणा-या सर्व 341 मतदान केंद्राची स्वच्छता मागील दोन-तीन दिवसापासून करणेत आलेली आहे. तसेच मतदान केंद्रावर सर्व प्रकारच्या मुलभूत सुविधा पुरविणेत आलेल्या आहेत. तसेच मतदान केंद्रावरील नियुक्त अधिकारी/कर्मचारी यांची चहा/नाश्ता/जेवणाची व्यवस्था स्थानिक बचत गटांच्या माध्यमातून करणेत येणार आहे.

तसेच दि.7/5/2024 रोजी पहाटे 5.00 वाजले पासून मध्यवर्ती निवडणूक कक्षामध्ये मतदान केंद्रावरील ई.व्ही.एम. मशीन्स व व्ही. व्ही.पेंट मध्ये येणा-या तांत्रीक बिघाडाचे निराकारण करणेकामी 13 तांत्रीक दृष्ट्या तज्ञ व्यक्तींचे पथक तैनात करणेत आलेले आहे. दि.7/5/2024 रोजी मतदानाची दर दोन तासांची आकडेवारी संकलीत करणे व त्याची डाटा इंट्री करणे यासाठी दोन स्वतंत्र पथके नियुक्त करणेत आलेली आहेत.

तसेच दि.7/5/2024 रोजी मतदान संपले नंतर सर्व 341 मतदान केंद्रावरील मतदान साहित्य जमा करुन घेणेसाठी एकूण 23 टेबल ठेवणेत आलेले आहेत. प्रत्येक टेबलवर 15 मतदान केंद्राची स्विकृती करणेत येणार आहे. कोणताही अनुचीत प्रकार होणार नाही याची पूर्णपणे दक्षता घेणेत आलेली आहे. तसेच अधिकार गृह परिसर व शासकीय धान्य गोदाम परिसरामध्ये चोख पोलीस बंदोबस्त तैनात करण्यात आला असलेबाबत 43 माढा लोकसभा मतदार संघ अंतर्गत 255 फलटण (अ.जा.) विधानसभा मतदार संघ सहायक निवडणूक निर्णय अधिकारी सचिन ढोले यांनी सांगीतले.