आज फलटण येथे मतमोजणी : आज ठरणार २० ग्रामपंचायतीचे कारभारी

फलटण प्रतिनिधी : दि . १८ रोजी फलटण तालुक्यातील २० ग्रामपंचायतीच्या पंचवार्षिक निवडणुकीसाठी झालेल्या मतदानाची मतमोजणी आज दि२० रोजी सकाळी १० .००वा . येथील शासकीय गोदामात१४ टेबलावरील ७ फेऱ्याव्दारे होणार असल्याची माहिती निवडणुक निर्णय अधिकारी तथा तहसिलदार समीर यादव यांनी दिली आहे सर्व निकाल दुपार पर्यंत अपेक्षीत असुन मतमोजणी परिसरात मोठा पोलिस बंदोबस्त तैनात करण्यात आला आहे

ग्रामपंचायतीच्या या निवडणुक टप्प्यात २४ ग्रामपंचायतीच्या पंचवार्षिक निवड निवणुक जाहिर झाल्या होत्या नामनिर्देशनपत्र दाखल करण्याच्या अखेरच्या मुदतीपर्यंत यापैकी चार ग्रामपंचायती (मानेवाडी, वेळोशी, झडकबाईचीवाडी, मिरेवाडी कु.) बिनविरोध झाल्या होत्या उर्वरीत २० ग्रामपंचायतींसाठी (बरड , वडले, सोमंथळी चौधरवाडी, कुरवली खुर्द ,ताथवडा ,मठाचीवाडी, गिरवी, तरडफ ,पिंपरद,विडणी ,वाठार निंबाळकर , दुधेबावी, आदर्की बु., आदर्की खुर्द , सुरवडी, पाडेगांव , सालपे ,कुसूर, चव्हाणवाडी, ) दि .१८ रोजी मतदान झाले होते या २०  ग्रामपंचायत निवडणुकीसाठी झालेल्या मतदानाची मतमोजणी आज मंगळवार दि. २० रोजी सकाळी १० वाजता होणार आहे.

या मत मोजणीसाठी शासकीय यंत्रणा सज्ज झाली असून मत मोजणी स्थळावर १४ टेबल लावण्यात आले असून ७ फेऱ्यांद्वारे मत मोजणी केली जाणार आहे. यासाठी १०३ शासकीय अधिकारी व कर्मचाऱ्यांची नेमणूक करण्यात आली आहे. यामध्ये मतमोजणी पर्यवेक्षक व सहाय्यक राखीव व इतर अधिकारी व कर्मचाऱ्यांचाही समावेश करण्यात आला आहे.

कायदा सुव्यवस्थेचा प्रश्न निर्माण होऊ नये म्हणून मोठा पोलीस फौज फाटा तैनात करण्यात आला आहे.