निरा - देवघर प्रकल्पाचा शासकीय जी. आर.प्रसिद्ध : खा. रणजितसिंह ना. निंबाळकर यांची माहिती

निरा - देवघर प्रकल्पातून पाणी वापरामधून धोम-बलकवडी हा प्रकल्प चारमाही होता तो आता आठमाही केला आहे त्यामुळे फलटण तालुक्यातील शेतकऱ्यांना खूप मोठा पाण्याचा प्रश्न कायमस्वरूपी संपून फलटण तालुका सुजलाम सुफलाम झाल्याशिवाय राहणार नाही या भागातील शेती व्यवसाय वाढल्यास अनेक रोजगार उपलब्ध होतील व जे तरुण रोजगारासाठी नोकरी, व्यवसायासाठी, मुंबई ,पुणे येथे जात आहेत ते आता फलटण तालुक्यामध्येच आधुनिक पद्धतीने व्यवसाय करू लागतील :  खासदार रणजितसिंह नाईक निंबाळकर 

निरा - देवघर पाटबंधारे प्रकल्पास राज्य शासनाने ३९७६.८३ कोटी या किमतीस प्रशासकीय मान्यता देण्यात आली असून याबाबतचा जलसंपदा विभागाने शासन निर्णय करून आज शासकीय जी.आर. प्रसिद्ध करण्यात आला असल्याची माहिती खासदार रणजितसिंह नाईक निंबाळकर यांनी एका प्रसिद्धीपत्रकाद्वारे दिली.

नीरा - देवघर धरण हे पुणे जिल्ह्यातील भोर तालुक्यातील देवघर गावाजवळ नीरा नदीवरील सुरुवातीचे मोठे धरण असून या प्रकल्पाचे लाभक्षेत्र कृष्णा खोऱ्यामध्ये आहे.  हा प्रकल्प महाराष्ट्र कृष्णा खोरे महामंडळा अंतर्गत उर्वरित महाराष्ट्र या प्रदेशांमध्ये असून धरणाचा एकुण साठा १२.९८ अ.घ.फु इतका आहे. या प्रकल्पाचे दोन कालवे असून उजवा कालवा १५८ किलोमीटर लांबीचा व डावा कालवा १८ किलोमीटर लांबीचा आहे निरा - देवघर प्रकल्पाचे कालव्यामुळे भोर तालुक्यातील ६६७० हेक्टर खंडाळा तालुक्यातील ११८६० हेक्टर फलटण तालुक्यातील १३५५० हेक्टर व माळशिरस तालुक्यातील १०९७९ असे एकूण ४००५० हेक्टर क्षेत्र ओलिताखाली येणार आहे तर सांगोला व पंढरपुर तालुक्यातील ही काही क्षेत्र ही ओलिताखाली येणार आहे.

यापूर्वीच्या राष्ट्रवादी काँग्रेसच्या सरकारने हा प्रकल्प होऊ नये यासाठी खूप प्रयत्न केले होते. आजपर्यंत अनेक तालुक्यातील दुष्काळी भागातल्या शेतकऱ्यांना पाण्यापासून वंचित ठेवण्याचे पाप या सरकारने केले होते परंतु महाराष्ट्रामध्ये भारतीय जनता पक्ष व शिवसेनेचे सरकार आल्यानंतर खासदार रणजितसिंह नाईक निंबाळकर यांनी पाठपुरावा करून नीरा - देवघर प्रकल्पाची थांबलेली कामे सर्व अधिकाऱ्यांना विश्वासात घेत कायम दुष्काळमुक्त करण्यासाठी पुन्हा सुरु केली.

हा प्रकल्प होणे खूप गरजेचे असल्याने राज्यस्तरावर महाराष्ट्राचे उपमुख्यमंत्री देवेंद्र फडणवीस यांच्याकडे पाठपुरावा करून याबाबत त्यांच्या दालनामध्ये सचिव व अधिकारी ची बैठक घेऊन यास मंजुरी घेतली व कालच याबाबतचा जीआर राज्य शासनाने काढला आहे आता लवकरच आता निविदा निघणार आहेत व काम सुरू होणार असा विश्वास खासदार रणजितसिंह यांनी व्यक्त केला.

त्यामुळे या भागातील कायमस्वरूपी चा दुष्काळ आता संपणार आहे. खासदार रणजितसिंह नाईक निंबाळकर यांनी निरा -  देवघर प्रकल्पातूनच एकूण पाणी वापरामधून धोम - बलकवडी हा प्रकल्प चारमाही होता तो आता आठमाही केला आहे.  त्यामुळे या तालुक्यातील शेतकऱ्यांचा पाण्याचा प्रश्न कायमस्वरूपी संपवून फलटण तालुका सुजलाम सुफलाम झाल्याशिवाय राहणार नाही असा विश्वास खा. निंबाळकर यांनी व्यक्त केला आहे. या भागातील शेती व्यवसाय वाढल्यास अनेक रोजगार उपलब्ध होतील व जे तरुण रोजगारासाठी नोकरी, व्यवसायासाठी, मुंबई ,पुणे येथे जात आहेत ते आता फलटण तालुक्यामध्येच आधुनिक पद्धतीने व्यवसाय करू लागतील असा आशावाद खासदार रणजितसिंह नाईक निंबाळकर यांनी व्यक्त करतानाच महाराष्ट्राचे मुख्यमंत्री एकनाथ शिंदे महाराष्ट्राचे उपमुख्यमंत्री देवेंद्र फडणवीस व राज्य सरकारमधील सर्व मंत्री, अधिकारी व पदाधिकारी यांचे फलटण तालुक्यातील जनतेच्या वतीने आभार व्यक्त केले आहेत.