क्रांतीज्योती सावित्रीबाई फुले यांच्या १९५ व्या जयंतीनिमित्त वाचनालयास पोलीस भरती पुस्तकांची भेट

फलटण | प्रतिनिधी

भारतरत्न डॉ. बाबासाहेब आंबेडकर जयंती महोत्सव अध्यक्षीय समिती २०२५, फलटण यांच्या वतीने क्रांतीज्योती सावित्रीबाई फुले यांच्या १९५ व्या जयंतीनिमित्त डॉ. बाबासाहेब आंबेडकर वाचनालयास पोलीस भरतीसाठी उपयुक्त अशा पुस्तकांचा संच भेट देण्यात आला.

या उपक्रमामुळे स्पर्धा परीक्षा व पोलीस भरतीची तयारी करणाऱ्या युवकांना मोलाचे मार्गदर्शन व अध्ययन साहित्य उपलब्ध होणार आहे. समाजातील तरुणांना शिक्षणाच्या प्रवाहात आणून त्यांना सक्षम करण्याच्या उद्देशाने हा उपक्रम राबविण्यात आला असल्याचे समितीच्या पदाधिकाऱ्यांनी सांगितले.

यापूर्वीही भारतरत्न डॉ. बाबासाहेब आंबेडकर जयंती महोत्सव समितीच्या पदाधिकाऱ्यांनी विविध सामाजिक उपक्रम राबविले असून, विविध महापुरुषांच्या जयंतीनिमित्त अभ्यासिकांमध्ये उपयुक्त पुस्तकांचे वितरण करण्यात आले आहे. या जयंती मंडळाकडून वर्षभर विविध महापुरुषांच्या जयंती उत्साहात साजऱ्या करण्यात आल्या होत्या.

उत्कृष्ट पद्धतीने जयंती उत्सव साजरे करणे तसेच समाजोपयोगी उपक्रम राबविल्याबद्दल या जयंती मंडळाचा यापूर्वी अनेक मान्यवरांकडून सत्कारही करण्यात आला आहे. समाजहितासाठी सातत्याने कार्यरत राहणाऱ्या या समितीच्या उपक्रमाचे फलटणकरांकडून कौतुक होत आहे.