कन्या शाळा शताब्दीनिमित्त सातार्‍यात मशाल फेरी
आजपासून वर्षभर विविध कार्यक्रमांचे आयोजन
टीम : धैर्य टाईम्स
अवघ्या सात विद्यार्थींनीवर येथील करंदीकर वाड्यात सुरू झालेल्या महर्षी कर्वे स्त्री शिक्षण संस्थेच्या कन्या शाळेचे शताब्दी वर्ष शुक्रवार दि 22 पासून सुरू होत आहे. यानिमित्ताने महोत्सवाच्या पूर्व दिनी सातार्‍यात पोवई नाका ते राजवाडा ते कन्या शाळा अशी मशाल फेरी काढण्यात आली. या मशालीचे कन्या शाळा शिक्षक वृंद परिवाराच्या वतीने भव्य स्वागत करण्यात आले.
सातारा : अवघ्या सात विद्यार्थींनीवर येथील करंदीकर वाड्यात सुरू झालेल्या महर्षी कर्वे स्त्री शिक्षण संस्थेच्या कन्या शाळेचे शताब्दी वर्ष शुक्रवार दि 22 पासून सुरू होत आहे. यानिमित्ताने महोत्सवाच्या पूर्व दिनी सातार्‍यात पोवई नाका ते राजवाडा ते कन्या शाळा अशी मशाल फेरी काढण्यात आली. या मशालीचे कन्या शाळा शिक्षक वृंद परिवाराच्या वतीने भव्य स्वागत करण्यात आले.
शालेय शिक्षणमंत्री वर्षा गायकवाड यांच्या प्रमुख उपस्थितीत शुक्रवार दि 22 रोजी कन्या शाळा सातारा या शाखेचे शताब्दी वर्षाचा शुभारंभ होत आहे. या शुभारंभाच्या निमित्ताने शाळेच्या प्रांगणात भव्य कार्यकामाचे आयोजन करण्यात आले आहे. या कार्यक्रमाच्या पूर्व दिनी शाला समितीचे अध्यक्ष दत्ताजी थोरात, उपाध्यक्ष केदार शालगर, कन्या शाळा प्राचार्य कविता जगताप, बीसीए कॉलेज प्राचार्य व संस्थेच्या आजन्म सेविका समीक्षा निकम, जानकीबाई झंवर प्राथमिक शाळेच्या मुख्याध्यापिका मंदा बोर्‍हाणे या प्रमुख मान्यवरांच्या सूचनेनुसार सातार्‍यात मशाल फेरीचे आयोजन करण्यात आले होते. या फेरीची सुरवात पोवई नाक्यावरील छत्रपती शिवाजी महाराजांच्या पुतळ्यापासून झाली. तत्पूर्वी ही मशाल रॅली करंदीकर वाड्यात नेण्यात आली. फेरीत सहभागी झालेल्या सर्व सदस्यांनी महषी कर्वे अण्णांचा विजय असो, भारत माता की जय अशा जोरदार उपाध्यक घोषणा दिल्या. या रॅलीमध्ये शाला समितीच्या सदस्या सीमंती नी नूलकर, वैशाली देशपांडे, वृंदा शिवदे, मधुरा काळे, प्रद्युम्न आगटे, उपमुख्याध्यापक हनुमंत भांडवल कर, पर्यवेक्षक चंद्रकांत ढाणे, लक्ष्मण एकळ या रॅलीमध्ये सहभागी झाले होते.
शिवतीर्थावरून राजपथ मार्गे राजवाडा व तेथून पुन्हा कन्या शाळा येथे शाळेच्या क्रीडापट्टूंनी मशाल शाळेच्या प्रांगणात आणली. या ज्योतीचे शाळेच्या प्रवेशद्वारावर ढोल ताशांच्या गजरात जोरदार स्वागत करण्यात आले. शाळा प्रांगणातील महर्षी धोंडो केशव कर्वे यांच्या पुतळ्याजवळ मशालीचे पूजन करण्यात येऊन ती स्थापित करण्यात आली. आश्रम गीताने मशाल फेरीची सांगता करण्यात आली. या प्रसंगी शाळेतील शिक्षक व शिक्षकेतर कर्मचारी व विद्यार्थीनी वृंद उपस्थित होता.
संबंधित बातम्या
