फलटणच्या बाजार समितीवर राजे गटाची एकहाती सत्ता : रामराजेच किंगमेकर

फलटण कृषी उत्पन्न बाजार समितीवर विधान परिषदेचे माजी सभापती आमदार श्रीमंत रामराजे नाईक निंबाळकर यांच्या नेतृत्वाखालील राष्ट्रवादी काँग्रेस पुरस्कृत श्रीराम पॅनल मध्ये असलेल्या सर्व 14 उमेदवारांचा विजय झाला आहे. तर पूर्वीच 4 उमेदवार बिनविरोध म्हणून निवडून गेले आहेत. त्यामुळे राजे गटाची एकहाती सत्ता बाजार समितीवर आली असून रामराजेच पुन्हा एकदा फलटण तालुक्याचे किंगमेकर असल्याचे या निकालाने स्पष्ट झाले आहे. विरोधी गटाला संपूर्ण पॅनलचे उमेदवारही उभे करता आले नव्हते. तर काही उमेदवारांचे डिपॉझिट जप्त आहे.

फलटण कृषी उत्पन्न बाजार समितीचे नूतन संचालक मंडळ पुढील प्रमाणे अक्षय गायकवाड - ग्रामपंचायत मतदारसंघ अनुसूचित (बिनविरोध), निलेश कापसे हमाल मापाडी मतदारसंघ (बिनविरोध), तुळशीदास शिंदे - सोसायटी इतर मागास मतदारसंघ (बिनविरोध) संतोष जगताप आर्थिक मागास (बिनविरोध) ग्रामपंचायत मतदारसंघ, श्रीमंत रघुनाथराजे नाईक निंबाळकर - सोसायटी मतदारसंघ, चेतन सुभाष शिंदे सोसायटी मतदारसंघ, भगवान दादासो होळकर- सोसायटी मतदारसंघ, शंभूराज विनायकराव पाटील - सोसायटी मतदारसंघ, शरद लक्ष्मण लोखंडे - सोसायटी मतदारसंघ, ज्ञानदेव बाबासो गावडे - सोसायटी मतदारसंघ, दीपक विठोबा गौंड - सोसायटी मतदारसंघ,भीमराव पोपटराव खताळ - सोसायटी विजाभज मतदारसंघ, सौ. सुनीता चंद्रकांत रणवरे -सोसायटी महिला मतदारसंघ, सौ.जयश्री गणपत स्वस्त - सोसायटी महिला मतदारसंघ, किरण सयाजी शिंदे - ग्रामपंचायत मतदारसंघ, चांगदेव कृष्णा खरात - ग्रामपंचायत मतदारसंघ,संजय हरिभाऊ कदम -व्यापारी मतदारसंघ,समर दिलीप जाधव - व्यापारी मतदारसंघ, 

ग्रामपंचायत मतदारसंघातुन राष्ट्रीय समाज पक्षाचे जेष्ठ नेते महाराष्ट्र प्रदेशाध्यक्ष काशिनाथ शेवते, शिवसेना - उद्धव बाळासाहेब ठाकरे तालुका प्रमुख प्रदीप झणझणे, शिवसेना तालुका प्रमुख नानासो उर्फ पिंटू इवरे, भारतीय जनता पार्टीचे पदाधिकारी बाळासाहेब ननावरे यांना पराभवाचा सामना करावा लागला आहे.

मतदान मोजणी प्रक्रिया फलटण कृषी उत्पन्न बाजार समितीच्या सभागृहात पार पडली. मतमोजणी सुरळीत पार पडण्यासाठी उपविभागीय अधिकारी डॉ. शिवाजीराव जगताप, पोलीस उपअधीक्षक तानाजी बरडे, तहसीलदार समीर यादव, निवडणूक निर्णय अधिकारी सुनील धायगुडे यांच्या मागर्दर्शनखाली विविध शासकीय अधिकारी कार्यरत होते.