डॉ. प्रसाद जोशी यांच्याकडून शेतकऱ्यांना मोफत झाडे वाटप ; वृक्ष संपदा वाचविली पाहिजे : डॉ. प्रसाद जोशी

फलटण / प्रतिनिधी

डॉ. प्रसाद जोशी, जोशी हॉस्पिटल प्रा. लिमिटेड फलटण यांच्यावतीने सासकल ता. फलटण येथील शेतकऱ्यांना आंबा, नारळ ही देशी फळझाडे मोफत वाटप करण्यात आली. यावेळी वृक्षारोपण बरोबरच वृक्ष संपदा वाचविली पाहिजे, त्यासाठी प्रत्येकाने कमीतकमी एक झाड प्रत्तेक वर्षी लावावे आणि ते जगवावे असे आवाहन प्रसिध्द अस्थीरोग तज्ञ डॉ. प्रसाद जोशी यांनी केले.

शहरी वृक्ष मानवी, पर्यावरणीय आणि आर्थिक लाभांची अफाट श्रेणी देतात.आपल्या कुटुंब, समुदाय आणि जगाच्या आरोग्यासाठी आणि कल्याणासाठी झाडे का महत्त्वाची आहेत याची माहिती प्रत्येकाने इतरांना द्यावी असेही डॉ. जोशी यांनी सांगितले. शहरी झाडांच्या फायद्यांबद्दल संशोधनासाठी तळाशी नाते जोडणे आवश्यक आहे, ही झाडे आम्ही तुम्हाला भेट देण्याची शिफारस देखील करतो. हरित शहरे व खेडी चांगले आरोग्य संशोधन, शहरी

वनीकरण आणि शहरी हरित संशोधनासाठी समर्पित करून वृक्ष लागवड करण्यासाठी आवाहन करण्यात आले.

दरम्यान यावेळी डॉ. प्रसाद जोशी यांनी झाडे लावा झाडे जगवा ग्लोबल वॉर्मिग पासून मुक्ती मिळवा असा संदेश दिल. जागतिक कृषी दिनाचे औचित्य साधून सासकल येथे कृषी विभाग, फलटण व जोशी हॉस्पिटल प्रा. लि. फलटण यांच्या वतीने डॉ. प्रसाद जोशी यांनी १०० शेतकऱ्यांना आंबा, नारळ रोपे प्रति शेतकरी २ प्रमाणे फळझाडे वाटप करण्यात आले. यावेळी उपविभागीय कृषी अधिकारी फलटण सुहास रणसिंग, मुख्यधिकारी नगर परिषद फलटण निखिल मोरे, शहाजी शिंदे मंडळ कृषी अधिकारी विडणी, कृषी पर्यवेक्षक अजित सोनवलकर कृषी सहाय्यक सचिन जाधव हे उपस्थित होते. यावेळी प्रधानमंत्री सूक्ष्म अन्न प्रक्रिया उद्योग, पिक विमा योजना, फळपीक विमा योजना तसेच विविध योजने विषयी शेतकऱ्यांना मार्गदर्शन करण्यात आले.

डॉ प्रसाद जोशी हा स्तुत्य उपक्रम २०१३ साला पासून दर वर्षी राबवत आहेत. याप्रसंगी सासकल, परिसरातील शेतकरी व ग्रामस्थ उपस्थित होते. सामाजिक क्षेत्रातील विविध योगदानामध्ये डॉ. प्रसाद जोशी, डॉ. सौ.प्राची जोशी हे दांपत्य नेहमीच अग्रेसर असतात.