जिंतीत महामानवांची संयुक्त जयंती उत्साहात साजरी

फलटण प्रतिनिधी : 24 एप्रिल, धैर्य टाईम्स 

जिंती ता.फलटण येथे भारतरत्न डॉ .बाबासाहेब आंबेडकर यांची १३२वी संयुक्त जयंती उत्साहात साजरी.संपूर्ण देशात जयंतीचा उत्साह असतानाच जिंती गावात दि.१४ एप्रिल रोजी बुद्ध विहार फुलांनी आणि आकर्षक विद्युत रोषणाईने सजवून फटाक्याच्या आतिषबाजीने महात्मा जोतिराव फुले, छञपती शिवाजी महाराज, डॉ .बाबासाहेब आंबेडकर यांना अभिवादन करण्यात आले.

दि.१६ एप्रिल रोजी महापुरुषांच्या प्रतिमा असलेले चिञरथ सजवून डि.जे.च्या तालावर नाचत आणि घोषणा देत भव्य मिरवणूक काढण्यात आली यामध्ये महिलांचा सहभाग उल्लेखनीय होता तर दि.१७ एप्रिल रोजी वंदन भिमरायाला या भिमगीतांच्या कार्यक्रमाचे आयोजन करण्यात आले होते. 

यामध्ये सर्व ग्रामस्थांनी उत्स्फूर्त सहभाग घेतला होता तर मुस्लिम बांधवांनी सरबत वाटपाचा कार्यक्रम केला .यावेळी गावच्या सरपंच मा.पल्लवीताई लोखंडे ,उपसरपंच मा.समिर जाधव, वि.कार्यकरी सोसायटीचे चेअरमन मा.अनिल रणवरे,व्हा.चेअरमन हरीभाऊ रणवरे, संचालक श्रीराम सहकारी कारखाना मा.शरद रणवरे, मा.सरपंच चंद्रकांत रणवरे, मा.उपसरपंच सदस्य शरदसर रणवरे, महादेव रणवरे, विष्णू रणवरे, प्रकाश रणवरे, मनोज रणवरे, राजकुमार रणवरे, संदिप शिंदे, पी.एन. रणवरे उपस्थित होते.

कार्यक्रमासाठी भिमशक्ती तरुण मंडळाचे अध्यक्ष मा.अमित (दादासो) रणवरे, मा.विजयभाऊ जगताप ,प्रतिकभैय्या रणवरे, संकेत रणवरे, तेजस रणवरे, जिवन रणवरे, श्वेतांक रणवरे, शुभम रणवरे प्रियांशु रणवरे,सचिन कदम यांनी मेहनत घेतली.