प्रभाग 12 मधील अनेकांचा भाजपात प्रवेश माजी खासदार रणजीतसिंह नाईक निंबाळकर यांच्या उपस्थितीत कार्यक्रम

फलटण प्रतिनिधी :

नगरपरिषद निवडणुकीच्या पार्श्वभूमीवर प्रभाग 12 मध्ये राजकीय समीकरणे वेगाने बदलत आहेत. आज प्रभागातील अनेक नागरिक, युवा कार्यकर्ते, महिला आणि समाजातील मान्यवरांनी भारतीय जनता पक्षात अधिकृत प्रवेश केला. माजी खासदार रणजितसिंह नाईक निंबाळकर यांच्या प्रमुख उपस्थितीत हा प्रवेशसोहळा पार पडला.

प्रभागातील स्थानिक प्रश्न, विकासकामांची गरज आणि भाजपचा वाढता प्रभाव लक्षात घेऊन हा निर्णय घेतल्याचे नवीन प्रवेशकर्त्यांनी सांगितले. यावेळी अनेकांनी प्रभागाच्या विकासासाठी एकजुटीने काम करणार असल्याचा संकल्प व्यक्त केला.

या वेळी बोलताना रणजितसिंह नाईक निंबाळकर म्हणाले की,

“फलटण शहरातील सर्व प्रभागांत विकासाची दिशा तयार करण्यासाठी सक्षम नेतृत्व आणि जनतेचा विश्वास आवश्यक आहे. आज प्रभाग 12 मधील नागरिकांनी दाखवलेला विश्वास म्हणजे आगामी निवडणुकीतील मोठा संकेत आहे.”

प्रवेश घेतलेल्या कार्यकर्त्यांचे माजी खासदार रणजितसिंह नाईक निंबाळकर यांनी पुष्पगुच्छ देऊन स्वागत केले.

या प्रवेशामुळे प्रभाग 12 मधील निवडणूकीचे नवीन समीकरण निर्माण झाले असून आगामी निवडणुकीत भाजपाला मजबुती मिळणार असल्याचे राजकीय तज्ञांचे मत आहे.