फलटण जैसा हिंदू - मुस्लिम भाईचारा कही नही मिलेगा : खा. रणजितसिंह

फ़ानूस बन के जिस की हिफ़ाज़त हवा करे

वो शम्अ' क्या बुझे जिसे रौशन ख़ुदा करे !!

खा. रणजितसिंह यांनी शायरीतून मुस्लिम बांधवांची मने जिंकली

फलटण मध्ये गणपती उत्सव मंडळाचा अध्यक्ष मुस्लिम तर मस्जिदचा रक्षक हिंदू मिळेल असे चित्र इतर कोणत्याच ठिकाणी बघायला मिळणार नाही असे सांगत फलटण जैसा हिंदू - मुस्लिम भाईचारा कही नही मिलेगा असे हिंदी भाषेतून फलटणचा आपल्याला अभिमान असल्याचे खा. रणजितसिंह नाईक निंबाळकर यांनी अभिमानाने सांगितले.

ते फलटण शहरातील मलटण भागात असणाऱ्या मस्जिदमध्ये इफ्तार पार्टीचे आयोजित कार्यक्रमात बोलत होते. यावेळी मस्जिद दर्गा ट्रस्टचे अध्यक्ष जावेदभाई शेख, हाजी कादरभाई पठान, हाजी सिकंदरभाई बागवान, रज्जाकभाई बागवान, ज्येष्ठ नेते सुभाषराव शिंदे, प्रल्हादराव साळुंखे पाटील, जयकुमार शिंदे, ॲड नरसिंह निकम, माजी सनदी अधिकारी विश्वासराव भोसले, माजी नगरसेवक अशोकराव जाधव,अमोल सस्ते तसेच हिंदू मुस्लिम बांधव मोठ्या संख्येने उपस्थित होते.

यावेळी पुढे बोलताना खासदार रणजितसिंह नाईक निंबाळकर म्हणाले, हिंदू, मुस्लिम, बौद्ध हे समाज फलटण मध्ये एकत्र पहावयास मिळतात असे चित्र इतर ठिकाणी पाहावयास मिळत नाही. माजी खासदार कैलासवासी हिंदुराव नाईक निंबाळकर यांनी आपल्यातील ऋणानुबंध कायमच राहणार असून आपल्या आशिर्वादामुळेच आपण आज राजकारणात यशस्वी झालो असल्याचे खासदार रणजितसिंह यांनी नम्रतापूर्वक सांगितले.

यावर्षी शिवजयंती आणि रमजान ईद एकाच दिवशी येत असून आपण सर्वांनी एकत्र मिळून शिवजयंती व रमजान ईद मोठया उत्साहात साजरी करू आणि एकतेचा संदेश देऊ असे आवाहन खासदार रणजितसिंह यांनी केले.

खासदार रणजितसिंह नाईक निंबाळकर यांचे मलठन दर्गा येथे इफ्तार पार्टीसाठी आगमन होताच मुस्लिम बांधवातर्फे फटाक्यांच्या आतषबाजीत जोरदार स्वागत करण्यात आले लहान मुलींच्या हस्ते खा. रणजितसिंह यांना खजूर आणि फळे भरविण्यात आली.

      मलठण मस्जिदचे नामकरण 

मलठण येथील दर्गा ट्रस्टचे नामकरण माजी खा. हिंदुराव नाईक निंबाळकर मस्जिद दर्गा ट्रस्ट मलठण,  असे खासदार रणजितसिंह नाईक निंबाळकर, प्रल्हादराव साळुंखे - पाटील व इतर मान्यवरांच्या हस्ते करण्यात आले.