फलटण वकील संघाच्या निवडणुकीत अध्यक्ष व सचिवपदासाठी थेट लढत चार पदे बिनविरोध; विधी क्षेत्राचे निवडणुकीकडे लागले लक्ष

फलटण, प्रतिनिधी :

फलटण वकील संघाच्या सन २०२६–२०२७ या कार्यकाळासाठी होणाऱ्या निवडणुकीची अंतिम उमेदवार यादी जाहीर झाली असून, अध्यक्ष आणि सचिव या दोन प्रमुख पदांसाठी थेट लढत रंगणार आहे. तर उपाध्यक्ष, सहसचिव, खजिनदार आणि दोन सदस्य पदांवर उमेदवार बिनविरोध निवडून आले आहेत.

अध्यक्षपदासाठी ॲड. बजरंग शामराव जाधव आणि ॲड. उमेश विजय कदम यांच्यात सरळ सामना होणार आहे. सचिवपदासाठी ॲड. अनिरुद्ध संपतराव सस्ते आणि ॲड.रविंद्र जगन्नाथ अहिवळे हे उमेदवार आमनेसामने आहेत.

दरम्यान, उपाध्यक्षपदी ॲड. मेधा आनंदराव अहिवळे, सहसचिवपदी ॲड. शारदा राजकुमार दीक्षित, खजिनदारपदी ॲड. शाम सुभाष अहिवळे, तर सदस्यपदी ॲड. रोहिणी संजय भंडलकर आणि ॲड. चैत्राली दशरथ शिंदे यांची बिनविरोध निवड झाली आहे.

संपूर्ण निवडणूक प्रक्रिया मुख्य निवडणूक अधिकारी ॲड. राहुल व्ही. बोराटे यांच्या नेतृत्वाखाली, निवडणूक अधिकारी ॲड. सागर एम. सस्ते आणि ॲड. सुनील एन. शिंदे यांच्या देखरेखीखाली पार पडत आहे.

यंदा केवळ अध्यक्ष आणि सचिव या दोन पदांसाठी मतदान होणार असल्याने या निवडणुकीकडे फलटण तालुक्यातील विधी क्षेत्राचे विशेष लक्ष लागले आहे. कोणाच्या नेतृत्वावर वकील बांधव शिक्कामोर्तब करणार याबाबत उत्सुकता शिगेला पोहोचली आहे.