महिलांच्या कर्तृत्वाचा गौरव नक्कीच इतर महिलांना प्रेरणादाई - सौ. रेश्माताई भोसले

फलटण प्रतिनिधी - जागतिक महिला दिनानिमित्त महिलां चा सन्मान केला जातो तसेच त्यांच्या कर्तृत्वाची व विचारांची माहिती इतर महिलाना प्रेरणादाई ठरते असे मत फेडरेशनच्या अध्यक्षा रेश्माताई भोसले यांनी व्यक्त केले.

पुणे जिल्हा नागरी सहकारी पतसंस्था फेडरेशन व स्व. शिवाजीराव भोसले पतसंस्था प्रशिक्षण केंद्र, पुणे यांच्या संयुक्त विद्यमाने जागतिक महिला दिनानिमित्त कार्यशाळा व सहकाररत्न महिला सन्मान पुरस्कारांचे आयोजन फेडेरेशनचे कार्यालय पुणे येथे करण्यात आले होते. 

प्रशिक्षण अधिकारी नीलाक्षी राऊत यांचा यामध्ये अत्यंत महत्वपूर्ण सहभाग होता. प्रमुख पाहुण्या उपनिबंधक साधना देशमुख यांनी सहकार क्षेत्राबाबत व प्रमुख वक्त्या मेधा जेरे यांनी आनंदी जीवनाची पंचसूत्री याबाबत अत्यंत मोलाचे मार्गदर्शन केले.फेडरेशनच्या अध्यक्षा रेश्माताई भोसले यांनी अध्यक्षीय भाषण अत्यंत प्रभाविपणे करून उपस्थित महिलांना मोलाचे मार्गदर्शन केले.फेडरेशनचे उपाध्यक्ष शामराव हुलावले व मानद सचिव संतोष भेगडे, नितीन पाटील, मुख्य कार्यकारी अधिकारी, सर्व संचालक मंडळ व कर्मचारी वर्ग यांचे कार्यक्रम यशस्वी होण्यासाठी महत्वपूर्ण योगदान होते.नागरी व पगारदार संस्थांच्या महिला अधिकारी, कर्मचारी कार्यक्रमात सहभागी झाल्या होत्या.कार्यशाळेनंतर सहकाररत्न महिला सन्मान पुरस्कारांचे वितरण मान्यवरांच्या हस्ते करण्यात आले.

संस्थेच्या कार्यकारी अधिकारी तथा कार्यलक्षी संचालिका प्रज्ञा प्रदिप पवार यांची पुणे जिल्हातून सर्वोत्कृष्ट कार्यकारी अधिकारी म्हणून त्यांना प्रथम क्रमांकाने सन्मानित करण्यात आले.

तसेच सोसायटीच्या संचालिका प्रिति लुंगे यांना सर्वोत्तम संचालिका म्हणून सन्मानित करण्यात आले. तर सोसायटीच्या संचालिका सौ.माधुरी वैद्य व वसुली अधिकारी भाग्यश्री ताठे यांना सहकार रत्न महिला सन्मान करून गौरवण्यात आले.

सदर कार्यक्रमास सोसायटी चे अध्यक्ष शिवाजीराव लाड, सचिव रविंद्र ननवरे, उपाध्यक्ष रणजित वाघ, संचालक बापूसाहेब भरणे, संचालक चंद्रशेखर सानप, तज्ञ संचालक उदय साठे, प्रदीप मुजूमदार उपस्थित होते.