आंबेडकरी चळवळीतील सामाजिक कार्यकर्ते मंगेश आवळे यांच्यावर खोटा गुन्हा दाखल : डीपीआय च्या वतीने जिल्हा पोलीस प्रमुखांना निवेदन

फलटण प्रतिनिधी :

आंबेडकरी चळवळीत काम करणारे फलटण तालुक्यातील सामाजिक कार्यकर्ते व डेमोक्रेटिक पार्टी ऑफ इंडिया पक्षाचे युवक अध्यक्ष मंगेश आवळे यांच्यावर खोटा गुन्हा दाखल करण्यात आला आहे. सामाजिक काम करणाऱ्या सामान्य कार्यकर्त्याला जाणीवपूर्वक त्रास देणे ही बाब निंदनीय असून त्यांना न्याय मिळावा असे निवेदन डेमोक्रेटिक पार्टी ऑफ इंडिया पक्षाचे सातारा जिल्हाध्यक्ष हृषीकेश तथा रावण गायकवाड यांनी जिल्हा पोलीस प्रमुखांना दिले आहे.

निवेदनात पुढे असे म्हटले आहे की, दिनांक ०७ जून २०२५ रोजी रात्री ११.५० वा. बारामती पूल येथे २ होमगार्ड पथक ड्यूटीसाठी नेमलेले असताना मंगेश आवळे हे मोटार सायकल वरून जात असताना बारामती पूल येथे खूप गाड्यांची रंग दिसली दिसली तसेच होमगार्ड पवन तानाजी सोनवलकर रा. सोनवडी खुर्द ता. फलटण जि. सातारा हे वाहनचालकांकडून बेकायदेशीर पणे पैसे घेत असल्याचे निदर्शनास आले म्हणून आवळे यांनी सदर होमगार्ड ला एक जबाबदार नागरिक म्हणून विचारले की तुम्ही लोकांकडून पैसे का घेता? असे म्हणाले असता होमगार्ड सोनवलकर व आवळे यांच्या दोघांमध्ये शाब्दिक चकमक झाली असता आवळे यांनी होमगार्ड पवन सोनवलकर व त्यांचे सहकारी यांना तुमची तक्रार करतो म्हणल्यानंतर ते होमगार्ड घरी निघून गेले व त्यानंतर आवळे यांचेवरच खोटा गुन्हा दाखल केलेला असल्याचे निवेदना म्हटले आहे.

मंगेश आवळे हे डेमोक्रेटिक पार्टी ऑफ इंडिया पक्षाचे युवक अध्यक्ष व फलटण तालुक्यातील सक्रीय सामाजिक कार्यकर्ते आहेत. ते गुन्हेगारी प्रवृत्तीचे नसून एक उदयोन्मुख नेतृत्व आहेत. त्यांचेवर झालेला प्रसंग चुकीचा असून सामाजिक काम करणाऱ्या सामान्य कार्यकर्त्याला जाणीवपूर्वक त्रास देऊन खोटा गुन्हा दाखल केलेला ही बाब निंदनीय आहे.

सदर होमगार्ड पवन सोनवलकर हे अधिकाराचा गैरवापर करून लोकांकडून पैसे घेत लुट करीत आहेत अशा होमगार्ड वर तत्काळ कारवाई होऊन गुन्हा दाखल करावा व त्यांचे निलंबन करावे अशी मागणी डेमोक्रेटिक पक्षाच्या वतीने करण्यात आली आहे.