महिलांवरील अत्याचाराबाबत वंचित व शिवसेनेचे फलटण येथे आंदोलन

फलटण प्रतिनिधी : (दिनांक 1 ऑगस्ट )

मणिपूर येथील महिला अत्याचार, फलटण तालुक्यातील सोनवडी बलात्कार प्रकरण, फलटण तालुक्यातीलच कुरवली येथील ऍट्रॉसिटी प्रकरण तसेच शालेय मुलींची होणारी छेडछाड व महिलांच्या विविध तक्रारीची दखल घेत तातडीने कडक कार्यवाही व्हावी याकरित वंचित बहुजन आघाडी, शिवसेना (उद्धव बाळासाहेब ठाकरे ) महिला आघाडी व युवासेना यांच्या संयुक्त विद्यमाने फलटण येथील प्रांत कार्यालयावर निषेध मोर्चा काढत आंदोलन करण्यात आले.

सकाळी 11 वाजता फलटण शहरातील भारतरत्न डॉ. बाबासाहेब आंबेडकर चौक ते फलटण प्रांत कार्यालय असा निषेध मोर्चा प्रारंभी काढण्यात आला. त्यानंतर प्रांत कार्यालय परिसरात विविध मान्यवरांनी आपले मनोगते व्यक्त करीत सरकारचा निषेध केला.

या मोर्च्यात वंचित बहुजन आघाडी महिला आघाडीच्या शहर अध्यक्ष सौ. सपनाताई भोसले, शिवसेना (उद्धव बाळासाहेब ठाकरे )जिल्हा संघटक सौ. कल्पनाताई गिड्डे, फलटण शहर संघटक श्रीमती लताताई तावरे, वंचित आघाडी शहर अध्यक्ष उमेश कांबळे, माजी जिल्हा उपाध्यक्ष सुभाष गायकवाड,शिवसेना ग्राहक संरक्षण कक्ष जिल्हा प्रमुख विश्वास चव्हाण, ग्रंथालय सरचिटणीस आत्माराम सस्ते, युवासेना उपजिल्हा प्रमुख ऋषिकेश शिंदे, युवासेना शहर प्रमुख अक्षय तावरे,सामाजिक कार्यकर्त्यां सौ. चित्रताई गायकवाड, वंदनाताई गायकवाड, सौ. शोभा अहिवळे, सौ.मंदा अहिवळे, राजाभाऊ घोडपडे, शरद घोरपडे, सुखदेव शिंदे, बी.डी घोरपडे, विकास मोरे,चंद्रकांत गायकवाड, दिनकर जगताप, सूर्यकांत कांबळे, विजय कांबळे, आयाज आतार, रणजित मोहिते, गौतम मोहिते, विश्वास मोरे ,दत्तात्रय भगत,संदीप गायकवाड, महादेव गायकवाड तसेच मोर्चाला समर्थन देण्यासाठी सामाजिक कार्यकर्ते सनी काकडे तसेच आजाद कामगार सेनेचे पदाधिकारी व इतर हरीश काकडे व मंगेश आवळे उपस्थित होते.