जिद्दी संघर्ष योद्धा - यशवंत खलाटे - पाटील

पैसा कमावणं सोपं आहे, पण माणसं कमावणं हीच खरी श्रीमंती आहे. अशाच प्रकारे पैशापेक्षा माणसे कमवणारा... एक अवलिया पत्रकार जिद्दी संघर्ष योद्धा यशवंत खलाटे - पाटिल. अतिशय सर्वसामान्य परिस्थितीतून स्वतःच्या जीवनाला आकार देत आज एक स्वतःचे विश्व निर्माण केले आहे. आज त्यांचा वाढदिवस त्यानिमित्ताने या संघर्ष योद्धाच्या आयुष्यावर प्रकाश टाकण्याचा हा अल्पसा प्रयत्न...

खुंटे ता. फलटण येथील एका शेतकरी कुटुंबात यशवंत यांचा जन्म. पारंपरिक शेती करण्यापेक्षा व्यवसाय करुन आयुष्याला वळण देण्यासाठी यशवंत यांनी थेट फलटण गाठले. आणि येथूनच सुरु झाला एका संघर्ष योद्धाचा जीवन प्रवास. 

जन्माने मिळविलेल्या श्रीमंती पेक्षा कर्माने निर्माण केलेली परिस्थिती यावर विश्वास ठेवत यशवंत यांनी अतिशय कमी वयामध्ये स्वतःला सिद्ध करण्यासाठी मोठे परिश्रम घेतले. शालेय जीवनामध्ये फारस यश प्राप्त न करू शकलेल्या यशवंत यांनी व्यावसायिक क्षेत्रामध्ये स्वतःला "यशवंत" किर्तीवंत म्हणून सिद्ध केले. विविध व्यवसायाच्या माध्यमातून परिस्थितीशी झुंज देत स्वतःला कायम स्पर्धेत ठेवले. विक्री कौशल्य हे यशवंत याची विशेष बाजू. “कोणताही व्यवसाय छोटा नसतो” या विचाराने प्रेरित होऊन त्यांनी प्रसंगी कोणतेही काम कमी लेखले नाही. मेहनत, प्रामाणिकपणा आणि जिद्द यांच्या जोरावर त्यांनी स्वतःचं छोटं पण समृद्ध विश्व उभं केलं.

व्यवसाया बरोबरच वृत्तपत्र क्षेत्रांमध्ये यशवंत याने स्वतःला "पुढारी" सारख्या वृत्तपत्राच्या माध्यमातून उत्कृष्ट पत्रकार म्हणून स्वतःला सिद्ध केले. पत्रकारितेतील विविध कौशल्य प्राप्त करत तालुक्यासह जिल्ह्यामध्ये स्वतःची लेखानाची वेगळी शैली निर्माण केली. दैनिक पुढारी आणि दैनिक पुण्यनगरी अशा मोठ्या वृत्तपत्रांमध्ये स्वतःचे वेगळे स्थान निर्माण केले. त्यांनी केवळ बातम्या दिल्या नाहीत, तर स्वतःची स्वतंत्र शैली विकसित करतानाच पत्रकारितेत आपली वेगळी छाप उमटवली. त्यांच्या या कामामुळे ग्रामीण असेल किंवा शहरी पत्रकारांना प्रेरणा मिळते. 

सुप्रसिद्ध दैवत्व मावा केक या व्यवसायाचे ते संचालक आहेत. जिभेवर रेंगाळणारी चव असणारा मावा केक अल्पवधितच लोकांच्या घरा - घरात पोहोचला आहे. तर दैवत्व मावा केक च्या शाखा आज विविध जिल्ह्यात सुरु झाल्या आहेत. 

या प्रवासात यशवंत यांच्या सुविद्य पत्नी सौ. भारती यांची मिळालेली साथ व कुटुंबाचं पाठबळ हे त्यांचं मोठं बळ ठरलं. माणसं जोडणं, नाती जपणं आणि प्रत्येकाशी आपुलकीने वागणं ही त्यांची खरी संपत्ती आहे.

आज, २१ एप्रिल रोजी त्यांच्या वाढदिवसानिमित्त, या जिद्दी आणि मनमिळावू व्यक्तिमत्त्वाला मनःपूर्वक शुभेच्छा! यशवंत खलाटे - पाटिल यांना उत्तम आरोग्य, दीर्घायुष्य आणि पुढील वाटचालीसाठी भरभरून यश लाभो, हीच शुभेच्छा.

- शुभेच्छुक - 

सचिन संपत मोरे, फलटण.

जिल्हाध्यक्ष तथा राज्य समन्वयक 

प्रिंट व डिजिटल मीडिया पत्रकार संघ, महाराष्ट्र राज्य