फलटणच्या चक्री मध्ये पोलिसांची आर्थिक चकरी

फलटण प्रतिनिधी - 

डॉक्टर युवतीच्या मृत्यूप्रकरणात आपल्या "अब्रूच खोबर"करून घेतलेल्या अन् बदनाम झालेल्या फलटण पोलिसांची चक्री मध्ये हप्तेगिरी ची चांगलीच आर्थिक चक्री होत असून त्यांच्या या प्रकरणात अनेकांचे संसार उध्वस्त होत आहेत. तर फलटण शहर पोलीस ठाण्यातील फलटण "चक्री" मध्ये पोलिसांची "चक्री"याची सर्वत्र चर्चा सुरू झाली आहे. 

एक पोलिस अधिकारी लॉजवाल्यांकडून हप्ते घेत असल्याची चर्चाही आता होऊ लागली आहे. अरे "नितीना" दाखव की पोलिसी नैतिकता अन् स्वतःची नीतिमत्ता ? असे खाजगीत बोलले जाऊ लागल्याच्या चर्चा फलटणच्या चौकात रंगू लागल्या आहेत.

फलटण पोलीस चौकीमधील हप्तेगिरी म्हणजे पोलीस कर्मचाऱ्यांकडून बेकायदेशीरपणे पैसे उकळणे,नियमित 'हप्ता' घेणे हा भ्रष्टाचार प्रतिबंधक कायदा, 1988 नुसार गंभीर गुन्हा आहे. मात्र याकडे वरिष्ठ पोलीस अधिकारी दुर्लक्ष करीत असून त्यांनाही यातील चांगलीच आर्थिक जंत्री मिळत आहे का असा प्रश्न उपस्थित केला जात आहे.

फलटण मधील किरकोळ विक्रेते, फेरीवाले, टपरीचालक,वाळू-ट्रक,धाबे, लॉजिंग, मुरूम,माती,यांच्याकडून दररोज किंवा महिन्याला पैसे घेणे,तक्रार नोंदवण्यासाठी, अटक न करण्यासाठी किंवा किरकोळ गुन्हे दुर्लक्ष करण्यासाठी पैसे मागणे याला 'Protection Money' किंवा 'सुविधा शुल्क' असेही म्हटले जाते त्यात पोलिसांची चांगलीच सुविधा उपलब्ध आहे.

• दरम्यान भ्रष्टाचार प्रतिबंधक कायदा कलम 7 नुसार लोकसेवकाने लाच घेणे हा दखलपात्र व अजामीनपात्र गुन्हा आहे त्यात त्यांना शिक्षा 3 ते 7 वर्षे कारावास + दंड असे असूनही हप्तगिरी कमी होत नाही याचे आश्चर्य वाटत आहे.

 फलटण येथील हप्तेगिरीमुळे काय नुकसान होते?

-सामान्य नागरिकांचा पोलिसांवरील विश्वास कमी होतो आहे.

- गुन्हेगारीला अप्रत्यक्ष प्रोत्साहन मिळत आहे.

- गरीब व्यावसायिकांचे आर्थिक शोषण होत आहे.