शौर्यदिनानिमित्त भीमा कोरेगावला जाण्यासाठी फलटण येथून मोफत लक्झरी बसची सुविधा

फलटण | प्रतिनिधी

“चला भीमा कोरेगावला” या संकल्पनेतून २०८ व्या शौर्यदिनानिमित्त मंगळवार पेठ, फलटण येथील भीम अनुयायांसाठी भीमा कोरेगाव येथील विजयस्तंभास मानवंदना देण्यासाठी मोफत चार लक्झरी बसची सोय करण्यात आली आहे. ५०० शूरवीरांना मानवंदना अर्पण करण्यासाठी मोठ्या संख्येने अनुयायी या यात्रेत सहभागी होणार आहेत.

भीमा कोरेगाव येथील विजयस्तंभ हा शौर्य, समानता व बंधुत्वाचे प्रतीक मानला जातो. दरवर्षी १ जानेवारी रोजी शौर्यदिनानिमित्त राज्यासह देशभरातून लाखो अनुयायी येथे अभिवादनासाठी येतात. याच पार्श्वभूमीवर मंगळवार पेठ, फलटण परिसरातील अनुयायांना सोयीस्कर व सुरक्षित प्रवास उपलब्ध व्हावा, या उद्देशाने ही मोफत बससेवा उपलब्ध करून देण्यात आली आहे.

या उपक्रमासाठी संग्राम अहिवळे मित्र परिवार फलटण यांचे विशेष सहकार्य लाभणार आहे.

या उपक्रमाचे आयोजन सौ. सोनू संग्राम अहिवळे व आयु. संग्राम अहिवळे (युवा उद्योजक) यांच्या पुढाकारातून करण्यात आले आहे.

चार लक्झरी बस गुरुवार दिनांक 1 जानेवारी 2026 रोजी सकाळी 7 वाजता डॉ. बाबासाहेब आंबेडकर चौक,फलटण येथून भीमा कोरेगाव कडे निघणार आहेत. 

समानता, स्वाभिमान आणि बंधुत्वाचा संदेश देणाऱ्या या शौर्यदिन यात्रेमुळे फलटण परिसरातील भीम अनुयायांमध्ये उत्साहाचे वातावरण निर्माण झाले आहे.