अवजड वाहनांच्या वाहतुकीने मलटण मधील अंतर्गत रस्त्यांची दुरावस्था

फलटण प्रतिनिधी:- झपाट्याने विकसित होत असलेले फलटण मधील मलटण भागात म्हाडा कॉलनीच्या कामासाठी मालवाहतूक करणाऱ्या अवजड हायवा गाड्यांची वाहतूक होत आहे या अवजड वाहनांच्या वाहतुकीने मलटण मधील अंतर्गत रस्ते संतोषीमाता मंदिर रोड , सदगुरु समर्थ पथ ,श्री दत्त मंदिर रोड गणदास रोड या अंतर्गत रस्त्यांची दुरावस्था म्हाडा कॉलनी साठी माल वाहतूक करणाऱ्या अवजड वाहनांमुळे झाली आहे.

येथील रस्ते अरुंद असल्याने भुयारी गटर योजनेसाठी तयार केलेले चेंबर वापरा आधीच फुटले आहेत अनेक ठिकाणी चालू गटाराचे चेंबर फुटले आहेत फलटण पालिकेची पाणी वहन करणाऱ्या पाईप अनेक ठिकाणी तुटल्या आहेत तसेच कर्कश हॉर्न वाजवत या अवजड गाड्या रात्री सुद्धा येतात त्यामुळे येथील नागरिक प्रचंड हैराण आहेत.

येथील तरुण मंडळाच्या कार्यकर्त्यांनी फलटण पालिकेचे मुख्याधिकारी यांना लेखी निवेदन दिले आहे व या अवजड वाहनांवर बंदी घालून झालेल्या नुकसानीची भरपाई सम्बधित ठेकेदाराकडून घ्यावी असे निवेदन भारतीय जनता पार्टी चे सरचिटणीस नितीन जगताप सामाजिक कार्यकर्ते आनंद वणवे यांनी पालिकेचे मुख्याधिकारी संजय गायकवाड यांना दिले आहे.