शेतीचे पोटपाठ मोडून बेकायदेशीर प्लॉटिंग केल्या प्रकरणी स्वाभिमानी शेतकरी संघटना आक्रमक

फलटण | धैर्य टाईम्स | 18 मार्च 2025

मौजे सस्तेवाडी ता. फलटण, जि. सातारा. गट क्रमांक ४८/३/१ व गट क्रमांक ४८/३/२ मधील पोटपाट मोडुन त्यामध्ये प्लॉटींग करुन सुमारे शंभर एकर क्षेत्रातील पिक जळण्याची शक्यता निर्माण झाली असून याबाबत सबंधित लोक आवाज उठवणाऱ्या आजुबाजुचे शेतकऱ्यांना दमदाटी, धमकी देत असल्याचे निवेदन स्वाभिमानी शेतकरी संघटना यांनी दिले आहे.

सदर निवेदनात असे म्हटले आहे की, मौजे सस्तेवाडी ता. फलटण, जि. सातारा येथे आमच्या जमीन असुन या जमिनीमध्ये ब्रिटीशकालिन पोटपाट आहेत. सदर पोटपाट हे या जमिनीचे मुळ मालक स्नेहलता बाबासो देशमुख, विशाल बाबासो देशमुख, यांनी फलटण मधील भूमाफिया या जमिनीमध्ये येवुन त्याठिकाणी असणारे इतर शेतऱ्यांच्या पिकाचे नुकसान करुन पोट पाटाची मोडतोड करुन सदर शेतजमीनीमध्ये बेकायदेशीर प्लॉटींग करुन जमिनीचे तुकडे पाडुन आजु बाजुचे शेतकऱ्यांना अडचण होईल असे कृत्य करत आंहेत. सदर इसम हे मौजे सस्तेवाडी गट क्रमांक ४८/३/१ व गट क्रमांक ४८/३/२ मधील ब्रिटिश कालावधीपासून असणारा पोटपाट आपण मोडता आहे, त्यामुळे सुमारे ३० ते ३५ हेक्टर एवढे सिंचन धोक्यात आलेले आहे. त्यामुळे शेतकऱ्यांच्या पीक पाण्याअभावी पाक जळून जाऊन त्याचे नुकसान होत आहे.

तरी सदरचे निवेदन मिळताच गट ४८/३/१ व गट क्रमांक ४८/३/२ मधील मौजे सस्तेवाडी मधील फाटा क्रमांक २१ चा दारे क्रमांक ३ चा पोटपाट पुर्ववत करून मिळावा अन्यथा आपणा विरुद्ध शेतक-यांकडून सिंचन व्यवस्थापन २००५ अंतर्गत कायदेशीर कारवाई केली जाईल, कारण यामध्ये कार्यकारी अभियंता बांधकाम विभाग पुर्व पुणे यांचे ० हे २६ आर क्षेत्राची नोंद आहे. तसेच यामध्ये असणारी पाण्याच्या नलिका व रस्ते यांचे नुकसान होणार आहे. याबाबत नागेश्वर पाणीवापर संस्था यांनी संबंधीतांना नोटीस दिलेली होती व आहे असे असताना सदर इसम हे दांडगाईने, बळजबरीने शेतऱ्यांचा विरोध जुगारुन त्याठिकाणी मुंबई तुकडेजोड तुकडेबंदी कायदा याचा भंग करुन सदर शेतजमिनीचे तुकडे पाडुन विक्री करण्याच्या विचारात असून त्यामुळे आजुबाजुचे ७० ते ८० एकर क्षेत्र हे पाण्यापासुन वंचित राहणार आहे व शेतकऱ्यांचे भर ऊन्हाळयात पोट पाट मोडल्यामुळे पिकाचे नुकसान होणार आहे. तरी याबाबत संबंधीत दुय्यम निबंधक यांनी वरील मिळकतीचे कोणतेही बेकायदेशीर दस्त नोंदणी करु नये व वरील इसमांवरती चौकशी करुन तात्काळ कारवाई करावी हि विनंती असे न झालेस बाधीत शेतकरी हे शासनाच्या विरोधात जनआंदोलन करतील याची दखल घ्यावी असे निवेदनात म्हटले आहे.

सदरचे निवेदन महसूल मंत्री महाराष्ट्र राज्य, जिल्हाधिकारी सातारा, उप विभागीय अधिकारी फलटण, तहसीलदार फलटण, उपविभागीय अभियंता पाटबंधारे विभाग, सह दुय्यम निबंधक १, सह दुय्यम निबंधक २, कार्यकारी अभियंता नीरा उजवा कालवा यांना देण्यात आले असून यावेळी संग्रामसिंह महामुलकर जिल्हाध्यक्ष स्वाभिमानी शेतकरी संघटना, डॉ रवींद्र घाडगे जिल्हा सरचिटणीस स्वाभिमानी शेतकरी संघटना, नितीन यादव अध्यक्ष फलटण तालुका स्वाभिमानी शेतकरी संघटना, प्रमोद गाडे, निखिल नाळे, संगीता नाळे, मयूर भोंगळे, सूर्यकांत जाधव, विवेक जाधव, शंकर जाधव, यशवंत जाधव व इतर शेतकरी उपस्थित होते.