आगामी फलटण नगरपालिका निवडणुकीच्या पार्श्वभूमीवर राष्ट्रीय काँग्रेस पक्ष व समविचारी मित्रपक्ष यांची बैठक संपन्न

 फलटण नगरपालिका निवडणुकीच्या संदर्भात राष्ट्रीय काँग्रेस व समविचारी मित्रपक्ष यांची संयुक्त बैठक हॉटेल आर्यमान येथे संपन्न झाली. या बैठकीला राष्ट्रीय काँग्रेस पक्ष,शिवसेना,आझाद समाज पार्टीचे पदाधिकारी व प्रमुख कार्यकर्ते उपस्थित होते. या बैठकीमध्ये आगामी नगरपालिका निवडणूक एकजुटीने समविचारी पक्षांना बरोबर घेऊन घेऊन पूर्ण ताकतीनिशी लढण्यावरती एक मत झाले.

 यावेळी फलटण तालुका राष्ट्रीय काँग्रेसचे अध्यक्ष महेंद्र सूर्यवंशी (बेडके) यांनी काँग्रेसचे नेते महाराष्ट्र राज्याचे माजी मुख्यमंत्री मा.पृथ्वीराज चव्हाण यांच्या मार्गदर्शनाखाली आगामी फलटण नगरपालिका स्वबळावर व मित्र पक्षांच्या साथीने व ताकदीने लढवली जाईल असे प्रतिपादन केले. यावेळेस शिवसेनेचे विजय मायणे यांनी शिवसेना सुद्धा काँग्रेसबरोबर राहील अशी ग्वाही दिली ,तसेच आजाद समाज पार्टीचे सनी काकडे ,मंगेश आवळे व महादेव गायकवाड यांनी ही काँग्रेसच्या साथीने निवडणूकीला सामोरे जाण्याची भुमिका घेतली.  तालुका काँग्रेसचे कार्याध्यक्ष मीर भाई शेख,शहर काँग्रेसचे अध्यक्ष पंकज पवार तालुका अनुसूचित जमातीचे सेलचे जिल्हा उपाध्यक्ष  सिद्धार्थ देठणकर उपाध्यक्ष राजेंद्र खलाटे तसेच संजय गांधी निराधार योजनेचे सदस्य सदाशिवराव जगदाळे यांनी आपले मनोगत व्यक्त केले. या कार्यक्रमास काँग्रेस व मित्र पक्षांचे प्रमुख पदाधिकारी अजिंक्य  कदम, प्रीतम जगदाळे, अल्पसंख्याक सेलचे जिल्हा उपाध्यक्ष सुलेमान शेख ओबीसी सेलचे दीपक शिंदे, अरुण खरात, भारत अहीवळे, बालमुकुंद भट्टड, तात्या गायकवाड, श्रेयश कदम, अमित फाळके, चैतन्य पवार, महामुनी, सुरज भुलाया, श्रीकांत पालकर ,विक्रम निंबाळकर, एल.जी.बेंद्रे, राजू घनवट, अभिलाष शिंदे, सुनील निकोडे, मनोहर गायकवाड नितीन जाधव,महेंद्र शिंदे,अजय इंगळे,प्रमोद चोरमले व अनेक कार्यकर्ते उपस्थित होते.