युवा शक्तीचा आयडॉल : सनीदादा अहिवळे : सुवर्ण युगातील सुपर्णपान

खुदही को कर बुलंद इतना की हर तकदीर से पहले खुदा बंदे से पूछे बता तेरी रजा क्या है?

आपले जीवनस्वप्न साकार करण्याची जिद्द, त्यांनी परिस्थितीशी केलेला संघर्ष यामधून त्यांनी त्यांच्या क्षेत्रामध्ये उभे केलेले साम्राज्य, या साऱ्यांची ओळख नव्या पिढीला झाली पाहिजे. त्यामधून नवीन धुमारे फुटले, तर त्यातून नवनिर्मिती व आदर्श तयार होतील. स्वत:च्या मनगटाच्या ताकदीवर व जबर इच्छा शक्तीच्या आधारे ज्यांनी स्वत:ची खास प्रतिमा तयार केली त्यांच्यापासून इतरांनी प्रेरणा घ्यावी, यासाठी हा खटाटोप आहे. बहुतेक माणसे स्वत: करिता जगत असतात. याचे कारण स्वार्थ हा त्यांच्या जीवनाचा केंद्रबिंदू असतो. इतरांचे जीवन सुखी करण्यासाठी फार थोडी मंडळी न मळलेली वाट शोधतात. ज्या मार्गाने फारसे कुणी गेलेले नसते, अशा आडवळणाने जाऊन स्वत:च्या आयुष्याला जे वळण देतात अशा पैकी एक म्हणजे फलटण नगर परिषदेचे माजी नगरसेवक सनीदादा अहिवळे होय.

आज त्यांचा वाढदिवस..... त्या निमित्त त्यांच्या प्रेरणादायी व संघर्षमय सामाजिक व राजकीय जीवनाचा आढावा....

फलटण नगर परिषदेच्या माजी नगराध्यक्षा सौ. नंदा संजय अहिवळे व संजय निवृत्ती अहिवळे फलटण तालुका तलाठी संघटनेचे माजी अध्यक्ष यांचे युवा सुपुत्र सनी संजय अहिवळे एक उभरते नेतृत्व ज्यांनी आपल्या आई वडिलांच्या राजकीय व सामाजिक वारसा जपत स्वतःचे एक वेगळे अस्तित्व निर्माण केले.

समाजामध्ये अनेक व्यक्ती आपल्या आई-वडिलांचा वारसा घेत राजकीय जीवनाला आकार देतात मात्र सनी अहिवळे यांनी याचा कोणताच आधार नघेता आपल्या नेतृत्व कौशल्याने समाजाला व युवकांना नवीन दिशा देण्याचे काम केले आहे.

युवा अवस्थेमध्येच फलटण सारख्या शहरामध्ये नगर परिषदेचे सदस्य म्हणून निवडून येत आपली राजकीय चुणूक दाखवून अनेकांना गारद केले. असे म्हटले जाते की सनीदादा यांना राजकीय जीवनामध्ये अयशस्वी होण्यासाठी अनेकांनी आपले देव पाण्यात घातले होते; मात्र हार मानतील ते सनी दादा कसले... विरोधकांना चारी मुंड्याचित करीत सनी अहिवळे यांनी आपले नाव नगरसेवक पदावर कोरले. तर फलटण नगर परिषदेतील विविध समित्यावर सभापती पदाचे नाव कोरणारे सनीदादा यांनी आपल्या कामातून समाजमन जिंकत आपली वेगळी ओळख निर्माण केली.

सनीदादा यांची दिवंगत बहीण सोनिया हिच्या नावाने सुरु केलेल्या सोनिया चॅरिटेबल ट्रस्ट या सामाजिक संस्थेच्या माध्यमातून समाजातील विविध घटकांना सहकार्य व मार्गदर्शन करण्याचे काम सुरु केले. याच संस्थेच्या माध्यमातून स्पर्धा परीक्षेतून उज्वल यश संपादन केलेल्या अनेक मान्यवरांचा यथोचित सत्कार करीत नवी ऊर्जा देण्याचे काम केले. याकरिता सनीदादा यांच्या सुविद्य पत्नी व सोनिया चॅरिटेबल ट्रस्ट च्या अध्यक्षा सौ. सुपर्णावहिनी यांचे  योगदान नेहमीच उजवे राहिले आहे.

सामाजिक व राजकीय क्षेत्रात यशस्वी होत असताना महाराष्ट्र विधान परिषदेचे माजी सभापती विद्यमान आमदार श्रीमंत रामराजे नाईक निंबाळकर, महाराष्ट्र खो - खो असोसिएशनचे अध्यक्ष श्रीमंत संजीवराजे नाईक निंबाळकर, फलटण कृषी उत्पन्न बाजार समितीचे सभापती श्रीमंत रघुनाथराजे नाईक निंबाळकर, आमदार दीपकराव चव्हाण यांचे अनमोल मार्गदर्शन व आशिर्वादामुळे आज सनीदादा यांनी राजकीय जीवनात वेगळी भरारी घेतली आहे. 

असं म्हटलं जातं की, ज्यांच्या जगण्यामुळे अनेकांना जगायला मिळते, अनेकांच्या जीवनामध्ये काही अर्थपूर्ण घडते, तोच खरा जगत असतो. स्वत:साठी नव्हे तर इतरांसाठी जगण्यामध्ये उच्च प्रतीचा आनंद मिळतो, स्वत: पासून इतराकडे असा जीवन प्रवास करावयाचे ठरवून ज्यांनी फलटणच्या युवकांना जगण्याचे बळ दिले असा फलटणचा सामाजिक व राजकीय आयडॉल सनीदादा यांना वाढदिवसाच्या हार्दिक शुभेच्छा.

 शब्दांकन :

सचिन संपत मोरे, संपादक धैर्य टाईम्स, फलटण.