आज दि.१४ रोजी कोतवाल भरती आरक्षण सोडत कार्यक्रमाचे आयोजन

फलटण प्रतिनिधी:- फलटण तालुक्यामध्ये एकूण १७ पदे रिक्त असून याबाबत कोतवाल भरती संबंधीत आरक्षण सोडत कार्यक्रम . १४/०७/२०२३ रोजी सायंकाळी ४ वाजता काढणेत येणार आहे.

सचिन ढोले, अध्यक्ष, कोतवाल निवड समिती तथा उपविभागीय अधिकारी फलटण यांनी दिलेल्या माहितीनुसार, जिल्हाधिकारी सातारा यांचे कार्यालयाकडील पत्र क्र. मह/वतन/कावि-८८०/२०२३. दि. ०४/०७/२०२३ अन्वये सातारा जिल्हातील कोतवाल संवर्गातील रिक्त असलेल्या पदांच्या ८० टक्के मर्यादेत पदे भरणेबाबतचा कार्यक्रम घोषीत झाला आहे. सध्या फलटण तालुक्यामध्ये एकूण १७ पदे रिक्त आहेत. त्याचा तपशिल पुढील प्रमाणे आहे. १. आदर्की बु. २. हिंगणगाव, ३. साठे, ४. गोखळी. ५. हणमंतवाडी. ६. गुणवरे, ७. वडले, ८. गिरवी ९. तरडगांव, १०. कुसूर. ११. बरड १२.राजुरी, १३. धुळदेव, १४. वाठार निं. १५. खामगांव, १६ तडवळे व १७. होळ (साखरवाडी) तरी सहाय्यक आयुक्त पुणे (मागासवर्ग कक्ष) यांचेकडील मंजुर बिंदुनामावली प्रमाणे कोतवाल पद रिक्त सजांची आरक्षण सोडत काढणेचे निश्चित केले असुन संबंधित सजाचे आरक्षण सोडतीचा कार्यक्रम निवड समितीच्या उपस्थितीत तहसिल कार्यालय फलटण यांच्या दालनात येथे शुक्रवार, दि. १४/०७/२०२३ रोजी सायंकाळी ४ वाजता काढणेत येणार आहे. त्यानुसार संबधित सजाचे आरक्षण सोडतीसाठी वर नमुद केलेल्या सजातील सर्व गावचे सरपंच, उपसरपंच, ग्रामपंचायत सदस्य, जिल्हा परिषद सदस्य, पंचायत समिती सदस्य, सामाजिक व राजकीय कार्यकर्ते, गाव तंटामुक्तीचे अध्यक्ष तसेच संबंधित ग्रामस्थ उपस्थित रहावे, असे आवाहन सचिन ढोले, अध्यक्ष, कोतवाल निवड समिती तथा उपविभागीय अधिकारी फलटण यांनी केले आहे.