मुरूम येथे खासदार रणजितसिंह नाईक निंबाळकर यांच्या प्रयत्नातून विविध विकास कामे मंजूर; ५ जानेवारी २०२४ ला उद्घाटन सोहळा : मुरूम गावाला ब वर्ग दर्जा मिळणार

फलटण : 

            मराठा साम्राज्याचे सुभेदार मल्हारराव होळकर यांचे जन्मगाव असणारे मुरूम ता. फलटण येथे माढा लोकसभेचे खासदार मा. रणजितसिंह नाईक निंबाळकर यांच्या विशेष प्रयत्नातून मुरूम गावासाठी मंजूर झालेल्या विविध विकास कामांचे उद्घाटन करण्यात येणार आहे. 

 या मध्ये नीरा नदीवर नव्याने बांधलेला मल्हार घाटाचे कामाचे उद्घाटन होत आहे. यासाठी २८ लाख रुपयांचा निधी मंजूर होऊन काम पुर्ण झाले आहे. ग्रामपंचायत इमारतीवर नवीन सभागृह बांधकामासाठी ८ लाख रुपयाचा निधी मंजूर होऊन काम पुर्ण झाले आहे. जलजीवन मिशन अंतर्गत पाण्याच्या टाकीचे काम पूर्ण झालेले आहे यासाठी १ कोटी १० लाखाचा निधी उपलब्ध केला होता. लक्ष्मी नगर मध्ये अंतर्गत रस्त्याचे काम पूर्ण झालेले आहे यासाठी १० लाखाचा निधी मंजूर केला होता. सुभेदार मल्हारराव होळकर भक्तनिवास मंजूर होऊन यासाठी ४८ लाख रुपयाचा निधी उपलब्ध होऊन काम पुर्ण झाले आहे. मुरूम कमान लक्ष्मी नगर येथील 30 ते 35 वर्षे रखडलेला रस्ता मंजूर झालेला आहे. यासाठी दोन ते तीन दिवसांपूर्वी ३० लाख रुपयांचा निधी वर्ग झालेला आहे. यांचे काम दोन ते तीन दिवसात चालू होणार आहे. सुतारकी वस्तीवरील २५ वर्षे प्रलंबित रस्ता पूर्ण झालेला आहे. याचबरोबर खासदार फंडातून स्ट्रीट लाईट चे काम पूर्ण झाले आहे.

तसेच मुरूम गावचा 'क' दर्जातून 'ब' वर्ग दर्जामध्ये समावेश व्हावा यासाठी खासदार रणजितसिंह नाईक निंबाळकर यांनी पर्यटन मंत्री गिरीश महाजन यांच्याशी चर्चा करून मुरूम गावचा 'ब' वर्ग दर्जामध्ये समावेश करण्यासाठी पाठपुरावा केला आहे. त्यामुळे लवकरच मुरूम गावचा 'ब' वर्ग दर्जामध्ये समावेश होणार आहे.

वरील सर्व कामांचे उदघाटन ५ जानेवारी २०२४ रोजी सायंकाळी ६ वाजता माननीय खासदार रणजितसिंह नाईक निंबाळकर यांच्या शुभहस्ते व ज्येष्ठ नेते प्रल्हादराव सोळुंखे पाटील, युवा नेते धनंजय दादा साळुंखे पाटील, स्वराज पतसंस्थेचे चेअरमन अमरसिंह नाईक निंबाळकर, भाजपा जिल्हा सरचिटणीस जयकुमार शिंदे, भाजपा मंडलाध्यक्ष बजरंग नाना गावडे व अमोल सस्ते, साखरवाडी चे सरपंच विक्रमआप्पा भोसले, माणिक आप्पा भोसले, मार्केट कमिटीचे माजी संचालक सिराजभाई शेख, वसंतराव ठोंबरे, मुरूम गावचे सरपंच, उपसरपंच, ग्रामपंचायत सदस्य व ग्रामस्थ यांच्या प्रमुख उपस्थितीत व भारतीय जनता पार्टीचे जिल्हा व तालुका पदाधिकारी, कार्यकर्ते यांच्या उपस्थितीत संपन्न होणार आहे. अशी माहिती मुरूम गावचे पराग बोंद्रे यांनी दिली.