माढा लोकसभेसाठी खासदार रणजितसिंह यांचेच नाव फिक्स : भाजपा कडून उमेदवारी जाहीर

सचिन मोरे, फलटण 

माढा मतदार संघ कोणाला ? जिंकण्याचे सूत्रच अवलंबले जाणार ? आशा अनेक चर्चा - चर्वनानंतर अखेर माढा लोकसभा मतदार संघाचे अधिकृत उमेदवार म्हणून विद्यमान खासदार रणजीतसिंह नाईक निंबाळकर यांच्याच नावावर अधिकृत घोषणा नुकतीच भाजपा कडून केली आहे. कामाला लागा अशा सूचना खासदार रणजितसिंह यांना वरिष्ठ नेत्यांकडून अगोदरच मिळालेचे बोलले जात आहे. त्यामुळे माढा लोकसभा मतदार संघामध्ये भाजपकडून जोरदार यंत्रणा राबवली जात आहे.

आगामी लोकसभा निवडणुकीत भाजपला कुठल्याही परिस्थितीमध्ये ३७० जागांचा आकडा पार करायचा आहे. त्यामुळे जिंकेल त्याला उमेदवारी या सूत्रानुसार भाजपने माढा मध्येही इथेही जिंकण्याचे सूत्रच अवलंबले असल्याचे बोलले जात आहे

 खासदार रणजितसिंह नाईक निंबाळकर यांच्या माध्यमातून माढा लोकसभा मतदार संघातील अनेक विकासकामे पूर्णत्वास गेली आहेत. तर अनेक प्रकल्प मार्गी लागले आहेत. तब्बल 28 वर्षाहून अधिक काळ प्रतीक्षेत असणारा फलटण - बारामती रेल्वे मार्ग खासदार रणजितसिंह यांच्या प्रयत्नाला यश आल्याने त्या कामाचे भूमिपूजन नुकतेच पंतप्रधान नरेंद्र मोदी यांच्या हस्ते ऑनलाईन करण्यात आले. तर फलटण - लोणंद हा रेल्वे मार्ग सुरु झाल्याने फलटणकरांनी मोठा आनंदोस्तव साजरा केला होता. 

गत पाच वर्षात खासदार रणजितसिंह नाईक निंबाळकर यांनी माढा लोकसभा मतदार संघ अक्षरशः पिंजून काढला आहे. भाजपाच्या माध्यमातून राज्यातून व केंद्रातून शेकडो कोटींचा निधी माढा लोकसभा मतदार संघात आणला आहे.

राष्ट्रवादी काँग्रेसचा बालेकिल्ला म्हणून परिचित असणारा माढा पहिल्यांदाच खासदार रणजितसिंह यांनी 2019 ला तब्बल 80 हजार पेक्षा जास्त मताधिक्याने जिंकाल होता. गत पाच वर्षात केलेले काम, वाढवलेला जनसंपर्क यामुळेच भाजपा कडून पुन्हा रणजितसिंह यांनाच उमेदवारी फिक्स झाल्याचे बोलले जाते आहे.