स्थानिक गुन्हे शाखा सातारा यांची फलटण येथील चोरी उघड

फलटण प्रतिनीधी:- मार्च २०२३ मध्ये फलटण शहरातील लक्ष्मीनगर येथील प्रवीण प्रतापराव देशमुख (रा.फ्लॅट क्रमांक 1,रामटेक अपार्टमेंट,लक्ष्मीनगर, फलटण) यांच्या बंद घराचा दरवाजा फोडून अज्ञात चोरट्यानी सुमारे १५ तोळे सोन्याचे दागिने व रोख रक्कम चोरून नेल्याची घटना घडली होती त्याप्रकरणातील आरोपीकडून ६६ तोळे सोन्याचे दागिणे जप्त करत १४ घरफोडी चोरी असे दहा पोलीस ठाण्याच्या हद्दीतील एकूण १६ गुन्हे उघड करुन चोरीस गेलेल्या सोन्याचे दागिण्यापैकी ३९ लाख ६० हजार रुपये किमतीचे ६६ तोळे सोन्याचे दागिणे व २५ हजार रुपये किमतीचे चांदीचे दागिणे व ५० हजार ००० रुपये किमतीची मोटार सायकल असा एकूण ४० लाख ३५ हजार रुपये किमतीचा मुद्देमाल हस्तगत करण्यात आला आहे.

दि.३१/०८/२०२३ रोजी महेश उर्फ म्हावडया मंगेश काळे याचा कोरेगाव पोलीस ठाणे गु.र.नं.३०३/२०२३ भादविक ३९७, ३९५, ३९४, ४५७, ३८० या गुन्हयामध्ये सहभाग असून तो फलटण शहरात वावरत आहे अशी माहिती मिळाल्यानंतर तपास पथकाने नाना पाटील चौक फलटण परिसरात सापळा लावून आरोपी महेश उर्फ म्हावडया मंगेश काळे (वय २१ वर्षे रा. विसापूर ता. खटाव जि.सातारा) यास त्याचा पाठलाग करुन ताब्यात घेतले. त्याचेकडे कोरेगाव पोलीस ठाणे गु.र.नं.३०३/२०२३ भादविक ३१४, ४५७, ३८० या गुन्हयाचे अनुशंगाने विचारपूस केली असता सदरचा गुन्हा त्याने त्याचे साथिदार ऋतुराज भावज्या शिंदे (रा. खातगुन ता. खटाव जि.सातारा) कोहिनूर जाकिर काळे (रा. मोळ ता. खटाव जि.सातारा), वंदेक लक्ष्मण शिंदे, राजश्री वंदेक शिंदे (रा. विसापूर ता. खटाव जि.सातारा), अभय काळे रा. मोळ (ता. खटाव जि.सातारा), अतिक्रमण काळे (रा. खातगून ता. खटाव जि. सातारा) यांनी केला असल्याचे सांगीतल्याने महेश उर्फ म्हावडया मंगेश काळे याला गुन्हयात अटक करुन त्याची ६ दिवस पोलीस कोठडी घेतली व ऋतुराज भाज्या शिंदे याला ही गुन्हयात अटक करुन त्याची ५ दिवस पोलीस कोठडी घेण्यात आली होती. 

फलटण शहर सह कोरेगांव, औंध, वडुज, पुसेगाव, दहिवडी, म्हसवड, उंब्रज,सातारा शहर,कराड शहर या पोलीस ठाण्याच्या हद्दीतील गुन्हे ७ आरोपींनी केला असल्याचे तपासामध्ये निष्पन्न झाल्याने गुन्हयास भा.द.वि.क.३९५, ३९७ ही वाढीव कलमे लावण्यात आली आहेत. पोलीस कोठडी कालावधीत अटक आरोपींच्याकडून नमुद गुन्हयातील चोरीस गेलेल्या मुद्देमालापैकी ७७ हजार ५०० रुपये किमतीचे सोन्याचे दागिणे, चांदीचे दागिणे, गुन्हयात वापरलेले मोटार सायकल हस्तगत करण्यात आली तसेच आणखी १५ गुन्हयातील एकूण ६६ तोळे सोन्याचे दागिणे, चांदीचे दागिणे असा एकूण (चालू बाजार भावाप्रमाणे) ४० लाख १० हजार रुपये किमतीचा मुद्देमाल हस्तगत करण्यात आला असून आरोपींच्याकडून दरोडा, जबरी चोरी, १४ घरफोडीचे गुन्हे असे एकूण १६ मालमत्तेचे गुन्हे उघडकीस आणण्यात आले.

नोव्हेंबर २०२२ पासून दरोडा, जबरी चोरी, घरफोडी, मोटार सायकलचोरी, इतर चोरी असे एकूण ६७ मालमत्तेचे गुन्हे उघडकीस आणले असून नमुद गुन्हयातील चोरीस गेलेल्या सोन्याच्या दागिण्यापैकी २३५ तोळे सोने (सब्बा दोन किलो) असा एकूण १ कोटी ८२ लाख ९६ हजार ८३० रुपये (एक कोटी व्याऐंशी लाख शहाण्णव हजार आठशे तीस रुपये) किमतीचा मुद्देमाल हस्तगत करण्यात आलेला आहे.

पोलीस अधीक्षक समीर शेख, अपर पोलीस अधीक्षक बापू बांगर यांचे मार्गदर्शनाखाली पोलीस निरीक्षक अरुण देवकर, सहायक पोलीस निरीक्षक सुधीर पाटील, रविंद्र भोरे पोलीस उपनिरीक्षक पतंग पाटील, विश्वास शिंगाडे, अमित पाटील, पोलीस अंमलदार तानाजी माने, सुधीर बनकर, विश्वनाथ संकपाळ, अतिश घाडगे, संतोष सपकाळ, संजय शिर्के, विजय कांबळे, साबीर मुल्ला, मंगेश महाडीक, सचिन साळुंखे, अमोल माने, मुनीर मुल्ला, अजित कर्णे, सनी आवटे, अमृत कर्पे, पंकज बेसके, हसन तडवी, राकेश खांडके, राजू कांबळे, स्वप्नील माने, शिवाजी भिसे, मनोज जाधव, प्रविण कांबळे, स्वप्नील दौंड, केतन शिंदे, धीरज महाडीक, मोहसिन मोमीन, मयुर देशमुख, परशुराम वाघमारे, दलजित जगदाळे, दिपाली यादव, सौजन्या मोरे, शकुंतला सणस, आदिका वीर, अनुराधा सणस, मोनाली पवार, सायबर विभागाचे अमित झेंडे, अजय जाधव यांनी सदरची कारवाई केली आहे.