ट्रॅफिक आयलॅन्डचे सुशोभिकरण निश्‍चितच आदर्श व शहराचे सौंदर्यवृध्दी करणारे ठरेल!

सातारा : सातारा नगरीचा नियोजनबध्द विकास करण्याची प्राथमिक जबाबदारी सर्व स्थानिक स्वराज्य संस्थांची असते. तथापि अन्य संस्था-कंपन्यांचे सामाजिक योगदान लाभल्यास, संयुक्‍त प्रयत्नातुन एखादे उत्कृष्ठ कार्य उभे राहु शकते. सामाजिक जाणिवेमधुन, सातारच्या सैनिक बँकेच्या माध्यमातुन भिमाबाई आंबेडकर चौकात उभारण्यात येणारे कर्नल आर.डी.निकम ट्रॅफिक आयलॅन्ड व त्या अनुषंगाने करण्यात येणारे सुशोभिकरण निश्‍चितच आदर्श व शहराचे सौंदर्यवृध्दी करणारे ठरेल, असे मत खासदार श्रीमंत छत्रपती उदयनराजे भोसले यांनी व्यक्‍त केले.
सातारा नगरपरिषद आणि सातारची ले.कर्नल आर.डी.निकम सैनिक सहकारी बँकेच्या संयुक्‍त प्रयत्नामधुन सदरबझार येथील भिमाबाई आंबेडकर चौकाच्या सुशोभिकरणाच्या कामाचा शुभारंभ खासदार श्रीमंत छत्रपती उदयनराजे भोसले आणि मान्यवरांच्या उपस्थितीत करण्यात आला. यावेळी ते बोलत होते. बँकेचे चेअरमन कॅ.उदाजीराव निकम, नगराध्यक्षा माधवी कदम, उपनगराध्यक्ष मनोज शेंडे उपस्थित होते.
सातारा शहराचा पूर्व भाग १९ व्या शतकात, अधिक नियोजनपूर्वक वसवण्यात आलेला आहे. तत्पूर्वी १७ व्या शतकात सातारा शहराचा पश्‍चिमभाग वसविण्यात आला होता. सदरबझार भागातील अनेक चौक चांगल्या प्रकारे विकसित करण्यासाठी नगरपरिषद प्रयत्नशील आहेच, तथापि सामाजिक दायित्व जपणाऱ्या संस्थांनी पुढे येवून, शहर विकासामध्ये आपले योगदान दिल्यास हे कार्य अधिक सुलभ व गतीने होणार आहे. सातारची ले.कर्नल आर.डी.निकम सैनिक सहकारी बँकेची नाळ फक्त सैनिकांपूरतीच मर्यादित राहीलेली नाही. आजी माजी सैनिकांसह सर्वसामान्य कष्टकऱ्यांपासून अनेक उद्योजक यांना बँकेने आर्थिक भक्‍कम पाठबळ दिलेले आहे. माजी आमदार ले.कर्नल(नि) आर.डी. निकम यांनी मुख्यत्वे सैनिकांचे ब समाजाचे कल्याणाकरीता स्थापन केलेल्या या बँकेचा चेअरमन कॅप्टन(नि) उदाजीराव निकम यांच्या नेतृत्वाखाली १४ जिल्ह्यात विस्तार झालेला आहे. सातारा व सैनिक बँक यांचे अतुट नाते आहे. त्यामुळेच सदरबझार भिमाबाई आंबेडकर चौकाचा विकास नियोजनबध्द करण्याबाबत या बँकेने पुढाकार घेतला आहे. येत्या काही दिवसांत या चौकाचे कर्नल आर.डी.निकम ट्रॅफिक आयलॅन्ड मुळे सौदर्य वाढून, शहराच्या वैभवात अधिक भर पडेल, असे खासदार श्रीमंत छत्रपती उदयनराजे भोसले यांनी सांगितले.
यावेळी नगरसेवक अँड.डि.जी.बनकर, माजी नगराध्यक्ष व विद्यमान नगरसेवक निशांत पाटील, नगरसेविका स्नेहा नलवडे, माजी नगरसेवक शंकर माळवदे, संजय साठे, सैनिक बँकेचे संचालक सौ.पुष्पाताई निकम, ऑ.कॅप्टन गोपाळ गायकवाड, ऑ.कॅप्टन रामचंद्र पवार, पी.टी. ऑफिसर आशपाक पटेल, हवालदार संपत चव्हाण, व्यवस्थापन समिती सदस्य सार्जंट अँड.भिमराव देशमुख, मुख्य कार्यकारी अधिकारी यशवंत देसाई, उपव्यवस्थापक विलास मोटे, कर्नल अरुण जाधव, कमांडंट तानाजी पवार व बँक माजी सैनिक व पेन्शनर्स संघटनेचे पदाधिकारी स्टाफ बहुसंख्येने उपस्थित होते. दरम्यान, सकाळी खासदार श्रीमंत छत्रपती उदयनराजे भोसले यांच्या उपस्थितीत शाहुकला मंदिर येथील इमारतीच्या बाहेरच्या बाजुने रंगकाम करणे, ऑडिटोरिअम मधील फ्लोअर मॅट बदलणे. व्हिआयपी व्यक्तींसाठी पशुबॅकच्या २५ खुर्चा बसविणे, पूर्णपणे इलेक्ट्रीकवरील फ्रंट कर्टन, मिड कर्टन, बँक कर्टन, सायक्‍्लोरोया कर्टनस्‌ बसवणे, रंगमंचावरील लाईट बार पूर्णपणे इलेक्ट्रीकवर संचलित करणे आदी कामांचा शुभारंभ श्रीफळ वाढवून केला.
यावेळी उपनगराध्यक्ष मनोज शेंडे, अँड.डि.जी.बनकर, माजी उपनगराध्यक्ष व विद्यमान नगरसेवक किशोर शिंदे व सुहास राजेशिर्के, बाळासाहेब कदम, हेमांगी जोशी, संग्राम बर्गे, पंकज चव्हाण, अँड.विनित पाटील यांच्यासह नागरीक उपस्थित होते.