फलटण नगरपरिषद निवडणूक 2025 : प्रभाग क्रमांक ११ मधून कृष्णाथ उर्फ दादासाहेब चोरमले रिंगणात

फलटण प्रतिनिधी :

फलटण नगरपरिषद निवडणुकीच्या पार्श्वभूमीवर प्रभाग क्रमांक ११ (नागरिकांचा मागास प्रवर्ग) मधून कृष्णाथ उर्फ दादासाहेब चोरमले यांनी शिवसेना एकनाथ शिंदे पक्षातून उमेदवारी जाहीर केली आहे. सामाजिक-राजकीय, शैक्षणिक आणि क्रीडा क्षेत्रात सक्रिय योगदान देत आलेले दादासाहेब चोरमले हे महात्मा शिक्षण संस्थेचे कार्याध्यक्ष तसेच सातारा जिल्हा ॲम्युचर खो-खो असोसिएशनचे वरिष्ठ उपाध्यक्ष या महत्त्वाच्या जबाबदाऱ्यांसह शहराच्या सार्वजनिक जीवनात विशेष ओळख निर्माण केलेली व्यक्ती आहेत.

 विधान परिषदेचे माजी सभापती आमदार श्रीमंत रामराजे नाईक निंबाळकर, श्रीमंत संजीवराजे नाईक निंबाळकर, बाजार समितीचे सभापती श्रीमंत रघुनाथराजे नाईक निंबाळकर माजी आमदार दीपकराव चव्हाण यांच्या मार्गदर्शनाखाली दादासाहेब चोरमले हे सामाजिक व राजकीय जीवनामध्ये कार्यरत आहेत. 

मागील कामगिरीमुळे जनाधार

मागील निवडणुकीत त्यांच्या पत्नी सौ. वैशाली कृष्णाथ चोरमले यांनी जिल्हा स्तरावर दुसऱ्या क्रमांकाच्या सर्वाधिक मताधिक्याने विजय मिळवून चोरमले दांपत्याची लोकप्रियता अधोरेखित केली होती. त्या कार्यकाळात दादासाहेब चोरमले यांनीच प्रभाग क्रमांक ९ मध्ये विविध विकासकामांना प्राधान्य देत "प्रभागाचा चेहरामोहरा बदलला" अशी प्रतिक्रिया मतदार देत आहेत.

वीस कोटींची विकासकामे — प्रभागाला दिला विकासाची दिशा 

नगरसेवक म्हणून काम करताना त्यांनी नागरिकांना पालिकेच्या माध्यमातून अनेक सुविधा उपलब्ध करून दिल्या. ज्यामध्ये प्रामुख्याने पिण्याच्या पाण्याच्या नवीन लाईन, गटार पाईपलाईन, भूमिगत गटारे योजना, समाजमंदिरे, जिमची उभारणी, प्रत्येक भागात तीन रस्त्यांचे कॉंक्रिटीकरण, काही ठिकाणी पेव्हिंग ब्लॉक बसविणे अशी तब्बल २० कोटी रुपयांची विकासकामे पूर्ण केल्यामुळे दादासाहेब चोरमले हे “कार्यक्षम जनप्रतिनिधी” म्हणून फलटण शहरात ओळखले जातात.

यंदाच्या निवडणुकीतही उत्सुकता

प्रभाग क्रमांक ११ मधून त्यांचा उमेदवारी अर्ज दाखल होताच स्थानिक राजकारणात चैतन्य निर्माण झाले आहे. अनुभवी, विकासाभिमुख आणि जनसंपर्कात असलेल्या दादासाहेब चोरमले यांच्या उमेदवारीकडे शहरातील नागरिकांची उत्सुकतेने नजर लागली आहे.