माऊली पालखी सोहळ्यासाठी फलटण तालुका प्रशासन सज्ज : जिल्हाधिकारी जितेंद्र डुडी

फलटण - प्रतिनिधी

संतश्रेष्ठ ज्ञानेश्वर माऊलींचा पालखी सोहळा सातारा जिल्ह्यात प्रवेश करणार असल्याच्या पाश्र्वभूमीवर जिल्हा प्रशासनाच्या वतीने नुकताच जिल्ह्यातील पालखी मार्गावरील सोयीसुविधा बाबतचा पहाणी दौरा करण्यात आला असुन फलटण येथील पालखी तळाची पहाणी जिल्हा अधिकारी यांनी केली असता पालखी सोहळ्यासाठी जिल्हया सह तालुका प्रशासन सज्ज असल्याची माहिती जिल्हा अधिकारी जितेंद्र डुडी यांनी पालखी तळावर उपस्थित असणाऱ्या स्थानिक पत्रकारांना दिली. पालखी सोहळा आगामी काही दिवसात सातारा जिल्ह्यात प्रवेश करणार असल्याने लोणंद ते बरडपर्यंतच्या पालखी मुक्काम व विसाव्याच्या ठिकाणचे स्थानिक प्रशासनाने केलेल्या नियोजन आढावा व पहाणी दौरा यासाठी जिल्हा अधिकारी डुडी आज फलटण येथील पालखीतळावर आले होते. या दरम्यान ते पत्रकारासी बोलत होते, यावेळी जिल्हा परिषद मुख्य कार्यकारी अधिकारी याशनी नागराजन , फलटण उपविभागीय अधिकारी सचिन ढोले , उपविभागीय पोलिस अधिकारी राहुल धस , तहसिलदार डॉ . अभिजीत जाधव , शहर पोलिस निरीक्षक हेंमतकुमार शहा , ग्रामीण पोलिस निरीक्षक सुनिल महाडीक , नगर पालिका मुख्याधिकारी निखील मोरे , गटविकास अधिकारी चंद्रकांत बोडरे, महावितरणचे देवकाते, उपजिल्हा रूग्णालयाचे अधिक्षक डॉ .धुमाळ, वन विभाग, पाटबंधारे विभाग आदी विभागाचे प्रशासकीय अधिकारी उपस्थित होते. 

पालखी सोहळ्यातील वारकरी व भाविकाच्या आरोग्याची काळजी घेण्यासाठी आरोग्य विभागाने आरोग्य पथक तयार केले आहे. पालखी तळाची स्वच्छता करणारी यंत्रणा उभी केली आहे. स्वच्छ पिण्याच्या पाण्याची सोय, विज वितरण व्यवस्था एकुणच फलटणच्या प्रशासनाने पालखी सोहळ्यासाठी चांगले काम केले आहे, त्यामुळे सध्या कोणतीही अडचण निर्माण होणार नाही अशी व्यवस्था उभारण्यात आली असल्याचे सांगत महावितरण विभागाने विशेष काळजी घ्यावी, प्रशासनातील सर्व विभागानी चांगले नियोजन केले आहे त्यामुळे आम्ही पालखी सोहळ्याची पुर्ण तयारी केली असल्याचे जिल्हा अधिकारी यांनी यावेळी सांगितले. 

सध्या पावसाळ्याचे दिवस असुन एका पर्यटकाचा मृत्यू झाल्याची आठवण करून देत जिल्हयात २७ मोठे व २२मध्यम धबधबे आहेत पर्यटक या ठिकाणी येतात अनुचित घटना घडतात त्यामुळे आगामी तीन महिने पाऊस काळात पर्यटकांनी अशा ठिकाणी जाणे टाळावे महसूल व पोलिस प्रशासन अशा गोष्टींची काळजी घेत असले तरी आपण स्वतः दुर्घटना टाळाव्यात असे आवाहन जिल्हाधिकारी यांनी केले. 

दरम्यान डीवायएसपी यांना ॲकॅडमीतील मुलांना बंदोबस्तासाठी घ्यावे यासह अन्य सुचना जिल्हा अधिकारी यांनी दिल्या

पालखी प्रवेशद्वाराजवळील भाविकांची गर्दी कमी करण्यासाठी पालखी विसावा आळंदी पालखी कमिटी सदस्यांची चर्चा करून विमानतळाच्या मध्यवर्ती ठिकाणी घ्यावा. नगरपालिकेन पालखी तळावरील दिंड्यांना जनरेटर सुविधा पुरवावी या आणि अनेक सुचना दुडी यांनी प्रशासनाला केल्या.