डॉन मुर्मचा फलटण येथे मर्डर

फलटण प्रतिनीधी :

 हॉटेलमध्ये पार्सल आणण्यास आलेल्या दोघांचा हॉटेलमधील कामगारा सोबत वादातून झालेल्या मारहाणीत हॉटेल कामगाराचा उपचारादरम्यान मृत्यू झाला असून याप्रकरणी दोन तरुणांना शहर पोलीसांनी अटक केली असून अधिक तपास सुरू आहे.

फलटण शहर पोलिस ठाण्यातून मिळालेल्या माहितीनुसार, दि.१२/०९/२०२४ रोजी सुमारे दुपारी ३ वाजण्याच्या सुमारास कोळकी दहीवडी व शिंगणापूर कडे जाणा- या रस्त्याच्या चौकातील पानटपरी मालक अमोल वनारे (वय २८ वर्षे, रा. कोळकी) व त्याचा मित्र सलमान रफीक शेख (रा. सोनवडी, ता. फलटण) हे दोघे यामाहा मोटर सायकलवर जेवणाचे पार्सल नेण्यासाठी हॉटेल आमंत्रण, कोळकी येथे आले होते. त्यावेळी अमोल वनारे याने चिकन तंदुर थाळी, ५ रोटी व २ भाकरी घेण्यासाठी ऑर्डर दिली. त्यावेळी त्यांचा आणि आमंत्रण हॉटेल मधील कामगार विपूल उर्फ डॉन मुर्म ( रा. उडीसा राज्य (पुर्ण नाव, पत्ता माहिती नाही)) यास हॉटेल मॅनेजर श्री अक्षय भालचंद्र काळे यांनी रोटी व भाकरी पॅक करण्यासाठी कागद आणण्यासाठी विपूल उर्फ डॉन मुर्म यास सांगीतले. त्यावेळी विपूल उर्फ डॉन मुर्म याने अक्षय भालचंद्र काळे यास काहीतरी बोलुन दुर्लक्ष केल्याने, अमोल वनारे याने विपूल उर्फ डॉन मुर्म याच्या डोक्यात टपली मारली असता त्यावरुन त्यांच्यामध्ये झटापट झाली. त्यावेळी सलमान रफीक शेख याने सुध्दा विपूल उर्फ डॉन मुर्म यास मारहाण केली. या झटापटीत अमोल वनारे यांने तेथील लोखंडी सळई विपूल उर्फ डॉन मुर्म याच्या डोक्यात व शरीरावर मारहाण केली. त्यामुळे विपूल उर्फ डॉन मुर्म हा गंभीर जखमी झाला. जखमी विपूल उर्फ डॉन मुर्म यास जीवनज्योती हॉस्पीटल, कोळकी येथे दाखल केले. पुढील उपचारासाठी विपूल उर्फ डॉन मुर्म यास ससुन हॉस्पीटल, पुणे येथे नेले असता, त्यास रुग्णालयात दाखल करण्यापुर्वीच तो मयत झाला.

सदर माहिती मिळताच उपविभागीय पोलीस अधिकारी राहुल धस यांनी केलेल्या मार्गदर्शनानुसार सपोनि. नितीन शिंदे, पो.उपनिरी. सुरज शिंदे आणि पो.उपनिरी. मृगदीप गायकवाड आणि पोलीस अंमलदारांची तीन पथके बनविली.सदर गुन्ह्यातील दोन्ही संशयीत आरोपीना अटक करण्यात आली असून त्यांच्याकडे अधिक चौकशी सुरु आहे. सदर गुन्ह्याच्या तपासात पोह. चंद्रकांत धापते, सचिन जगताप, बापूराव धायगुडे, नाना होले, मल्हारी भिसे, मपोना. हेमा पवार, पोशि. स्वप्नील खराडे, अतुल बढे, महेश जगदाळे, अनिल देशमुख व इतर पोलीस अंमलदारांनी सहभाग घेतला.सदर गुन्ह्याचा तपास सपोनी नितीन शिंदे हे करीत आहे.