फलटण भूमी अभिलेख कार्यालयाच्या अनागोंदी कारभाराविरोधात स्वाभिमानी शेतकरी संघटना आक्रमक

फलटण प्रतिनीधी:- फलटण भूमी अभिलेख कार्यालयाच्या अनागोंदी कारभारा विरोधात स्वाभिमानी शेतकरी संघटना आक्रमक झाली असून शेतकऱ्यांची आर्थिक लूट करणाऱ्या खाजगी कर्मचाऱ्यांवर कारवाईची मागणी लेखी स्वरुपात करण्यात आली आहे. 

राज्यपाल,मुख्यमंत्री, उपमुख्यमंत्री, महसूल मंत्री, जमा बंदी आयुक्त, विभागीय आयुक्त, जिल्हाधिकारी, जिल्हा भूमि निरीक्षक, उप विभागीय अधिकारी, तहसिलदार, उप अधिक्षक भूमी अभिलेख कार्यालय, फलटण यांच्याकडे सादर करण्यात आलेल्या निवेदनात असे म्हंटले आहे की, फलटण भूमी अभिलेख कार्यालय फलटण येथे कार्यालयातील उपअधीक्षक सचिन पवार, मुख्यालय सहाय्यक सोनवलकर, निमतानदार बाबर, भुकरमापक, दुरुस्ती लिपिक, अभिलेख कक्ष लिपिक, व ईतर सर्व कर्मचारी यांनी भूमी अभिलेख कार्यालयात महाराष्ट्र शासनाच्या धोरणाच्या व महसूल विभागाच्या नियमाच्या विरोधात जाऊन अनेक खाजगी कर्मचाऱ्यांची बेकायदेशररित्या नेमणूक केली असून सदर नेमणूक ही नियमबाह्य व शासनाच्या धोरणाच्या विरोधात आहे. खाजगी कर्मचाऱ्यांची कोणकोणत्या शासकीय कर्मचाऱ्यांनी नेमणूक केली, त्यांना पगार कोण, किती व कुठून दिला जातो याची चौकशी व्हावी. खाजगी कर्मचाऱ्यांची नेमणूक करणाऱ्या उपअधीक्षक सचिन पवार, मुख्यालय सहाय्यक सोनवलकर, निमतानदार बाबर, भुकरमापक, दुरुस्ती लिपिक, अभिलेख कक्ष लिपिक, व इतर सर्व कर्मचारी यांच्यावर चौकशी व्हावी व संबंधितांवर कारवाई करण्यात यावी. तत्काळ भूमी अभिलेख कार्यालयात काम करणाऱ्या सर्व खाजगी कर्मचाऱ्यांना काढण्यात यावे. सर्व कर्मचारी याचा सहभाग असून त्यांना तत्काळ निलंबित करण्यात यावे अशी मागणी करण्यात आली आहे.

तसेच फलटण भूमी अभिलेख कार्यालय फलटण येथे उपअधीक्षक सचिन पवार, मुख्यालय सहाय्यक सोनवलकर, निमतानदार बाबर,भुकरमापक, दुरुस्ती लिपिक, अभिलेख कक्ष लिपिक, व इतर सर्व कर्मचारी यांनी भूमी अभिलेख कार्यालयात महाराष्ट्र शासनाच्या धोरणाच्या व महसूल विभागाच्या नियमाच्या विरोधात जाऊन अनेक शासकीय मोजणी व ईतर मोजणी अभिलेख गहाळ केले असून यामध्ये खाजगी कर्मचाऱ्यांची सुद्धा अभिलेख गहाळ करण्यात सहभाग असून कोणकोणत्या शासकीय व खाजगी कर्मचाऱ्यांनी कोण कोणते अभिलेख गहाळ केले आहेत, किती अभिलेख गहाळ आहेत चौकशी करावी. अभिलेख गहाळ झाल्यानंतर पोलिस ठाण्यात अभिलेख गहाळ प्रकरणी गुन्हे दाखल केले आहेत का, वरिष्ठ कार्यालयास अभिलेख गहाळ प्रकरणी अवगत केले आहे का, सार्वजनिक अभिलेख अधिनियम नुसार अभिलेख गहाळ प्रकरणी कारवाई केली गेली आहे का, याप्रकरणी जबाबदार सर्व कर्मचारी यांना तत्काळ निलंबित करण्यात यावे तसेच फलटण तालुक्यातील भूमी अभिलेख कार्यालयात शासकीय कर्मचारी असताना अनेक खाजगी कर्मचारी मोजणी करणे, अभिलेख दुरुस्ती करणे, नक्कल कामे खाजगी कर्मचारी करत आहेत. यांच्यावर चौकशी व्हावी व संबंधितांवर कारवाई करण्यात यावी. शेतकऱ्याकडून खाजगी कर्मचारी प्रचंड रक्कम मागणी आर्थिक पिळवणूक करत आहेत. याबाबत भूमी अभिलेख कार्यालयात काम करणाऱ्या खाजगी कर्मचारी यांच्यावर तत्काळ चौकशी आणि कारवाई करण्यात यावी. शेतकऱ्याकडून खाजगी कर्मचारी प्रचंड रक्कम मागणी आर्थिक पिळवणूक करत आहेत. अनेक शेतकऱ्यांना मोजणी संदर्भातील कामे करून देतो म्हणून लाखो रुपये उकळणाऱ्या खाजगी कर्मचारी व त्यांना नेमणाऱ्या उपअधीक्षक सचिन पवार, मुख्यालय सहाय्यक सोनवलकर, निमतानदार बाबर, भुकरमापक, दुरुस्ती लिपिक, अभिलेख कक्ष लिपिक, व इतर सर्व कर्मचाऱ्याची चौकशी व्हावी. कोण कोणत्या शेतकऱ्यांची लूट केली आहे याबाबत अधिक चौकशी करण्यात यावी तसेच वरील प्रकरणी शेतकऱ्यांवर फार मोठा फलटण तालुक्यामध्ये अन्याय होत असून फार मोठ्या प्रकरणात आर्थिक गैरव्यवहार होत आहे व शेतकऱ्यांची आर्थिक पिळवणूक केली जात आहे. जमाबंदी आयुक्त यांनी अचानक तपासणी करून खाजगी कर्मचारी यांच्यावर गुन्हे दाखल करावेत व त्यांना कामावर ठेवणाऱ्या कर्मचारी यांच्यावरती निलंबनाची कारवाई करावी. सर्व प्रकरणाची चौकशी करून कारवाई तत्काळ न केल्यास तसेच पुढील दिवसात खाजगी कर्मचारी आढळून आल्यास आम्ही स्वाभिमानी शेतकरी संघटने मार्फत जबाबदार अधिकारी व कर्मचारी यांच्या तोंडाना काळे फासून आंदोलन करावे लागणार असून महसूल विभाग महाराष्ट्र शासन व भूमी अभिलेख विभाग महाराष्ट्र शासन यांनी आंदोलन करण्यास भाग पाडू नये असे निवेदनात म्हटले आहे.

यावेळी धनंजय महामुलकर,जिल्हा अध्यक्ष सातारा स्वाभिमानी शेतकरी संघटना, प्रमोद गाडे, राज्य प्रवक्ते युवा आघाडी, स्वाभिमानी शेतकरी संघटना,नितीन यादव, अध्यक्ष, फलटण तालुका स्वाभिमानी शेतकरी संघटना, रविंद्र घाडगे, जिल्हा सरचिटणीस स्वाभिमानी शेतकरी संघटना, बाळासो शिपकुले, प्रल्हाद अहिवळे, जितेंद्र खानविलकर, बाळासो खानविलकर व ईतर उपस्थित होते.