मुंबई शहर पोलीस दलातील महिला पोलिसाची फलटण येथे गळफास घेवुन आत्महत्या

फलटण प्रतिनिधी :

फलटण शहर पोलीस ठाण्यांच्या हद्दीमधील नागेश्वरनगर चौधरवाडी येथील मुंबई शहर पोलीस दलातील महिला पोलीस कर्मचारी सौ. ऋतुजा सुशांत रासकर (वय २२ रा. नागेश्वर नगर चौधरवाडी ता. फलटण जि.सातारा.) असे या गळफास घेवुन आत्महत्या केलेल्या महिला पोलीस कर्मचाऱ्यांचे नाव आहे. ऋतुजा रासकर यांनी आपल्या राहत्या घरी शनिवारी दुपारच्या सुमारांस घरातील लोखंडी अँगलला नायलॉनच्या रसीने गळफास घेवुन आपले जीवन संपवले, त्या मुंबई शहर पोलीस मुख्यालयात नेमणुकीस होत्या.

शहर पोलीसांकडूंन व घटनास्थळी मिळालेल्या माहितीवरुन, बाळू रासकर यांनी दिलेल्या फिर्यादीवरुन मुलगा सुशांत हा खाजगी वाहनावर चालक म्हणून काम करतो तर फिर्यादी याची पत्नी फळ विक्रेतेचा व्यवसाय करते. फिर्यादी यांची पत्नी ताई रासकर या जिंतीनाका येथे फळांची विक्री करण्यासाठी गेल्या होत्या तर मुलगा गाडी घेवुन बाहेरगावी गेला होता. शनिवारी दुपारीच्या सुमारांस बाहेर पाऊस येत असल्यांने बाहेरील कपडे ऋतुजाने घरात नेले त्यानंतर पाळीव मांजर बांधायच्या कारणांने फिर्यादी ऋतुजाच्या खोलीकडे गेलो असता हाका मारल्या मात्र आतून कोणताच प्रतिसाद मिळाला नाही अखेर दरवाजा ढकलला होता. म्हणून फिर्यादी यांनी दरवाजा उघडून पाहिले असता सनू ऋतुजा हिने गळफास घेतल्यांचे निदर्शनास आले त्यानंतर फिर्यादी यांनी आरडाओरडा केल्याने आजूबाजूचे लोक जमा झाले आणि घराशेजारील लोकासमवेत फलटण शहर पोलीस ठाणे गाठले पोलिसांनी घटनास्थळी येवुन पंचनामा करुन मृतदेह शवविच्छेदनासाठी जिल्हा रुग्णालयात पाठवला. मात्र महिला पोलीस सौ. ऋतुजा रासकर हिने कोणत्या कारणांतून आत्महत्या केली हे मात्र अद्याप समजू शकले नाही. या घटनेमुळे परिसरांतून हळहळ व्यक्त होत आहे. या घटनेची नोंद फलटण शहर पोलीस ठाण्यांत आकस्मित मृत्यू म्हणून नोंद झाली अधिक तपास पोलीस करीत आहेत.

सदर घटनेबाबत शहर पोलिस ठाण्याचे सहाय्यक पोलिस निरीक्षक व सदर गुन्ह्याचे तपासी अधिकारी केनेकर यांनी सदर घटनेबाबत विविध कारणे देत माहिती देण्याचे टाळले. त्यामुळे सदर घटनेबाबत शंका उपस्थित होत आहे