माळेगाव साखर कारखाना निवडणुकीत उपमुख्यमंत्री अजित पवार यांना राजे गटाचा पाठिंबा

फलटण | धैर्य टाईम्स | २१ जून २०२५

 विधान परिषदेचे माजी सभापती तथा विद्यमान आमदार श्रीमंत रामराजे नाईक निंबाळकर यांच्या आदेशानुसार माळेगाव सहकारी साखर कारखान्याच्या निवडणुकीसाठी उपमुख्यमंत्री अजितदादा पवार यांच्या नेतृत्वामध्ये लढत असलेल्या निळकंठेश्वर पॅनलला पाठिंबा दिला असल्याची माहिती सातारा जिल्हा परिषदेचे माजी अध्यक्ष श्रीमंत संजीवराजे नाईक निंबाळकर यांनी दिली. ते फलटण तालुक्यातील गोखळी येथे उपमुख्यमंत्री अजितदादा पवार यांच्या नेतृत्वात निळकंठेश्वर पॅनलच्या कोपरा प्रचार सभेदरम्यान बोलत होते त्यावेळी राजे गटाचा पाठिंबा उपमुख्यमंत्री अजितदादा पवार यांना जाहीर केला आहे.

माळेगाव सहकारी साखर कारखान्याची निवडणूक राज्यामध्ये गाजत असताना फलटणच्या राजे गटाने उपमुख्यमंत्री अजितदादा पवार यांच्या नेतृत्वात लढत असलेल्या निळकंठेश्वर पॅनलच्या सर्व उमेदवारांना जाहीर पाठिंबा दिल्याने फलटण तालुक्यात मध्ये असणाऱ्या मतांना नक्कीच याचा फायदा होणार आहे.