अमीर शेख व गणेश लोंढे यांच्या अपघाती मृत्यू प्रकरणी आज शहर पोलिसांना निवेदन देणार : माजी नगरसेवक सनी अहिवळे

फलटण : प्रतिनिधी

येथील अमीर शेख व गणेश लोंढे या तरुणांचा नुकताच अपघाती मृत्यु झाला. अपघाती मृत्यू झालेल्या या तरुणांच्या कुटुंबियांना प्रत्येकी २५ लाखाची नुकसान भरपाई देण्यात यावी या प्रमुख मागणीचे निवेदन गुरुवार दिनांक 18 मे रोजी प्रांताधिकारी शिवाजीराव जगताप यांना देण्यात येणार आहे. यावेळी  विविध मागण्यासाठी मोर्चा काढण्यात येणार आहे. आज बुधवारी फलटण शहर पोलिस ठाणे या ठिकाणी निवेदन देण्यात येणार आहे. तरी माजी नगरसेवक सनी अहिवळे यांच्या मंगळवार पेठ फलटण येथील निवासस्थानी मोठया संख्येने उपस्थित रहावे असे आवाहन माजी नगरसेवक सनी अहिवळे यांनी केली आहे..

पुणे - पंढरपुर पालखी महामार्गावर झालेल्या गंभीर अपघाती घटनेला जबाबदार रस्त्याचे काम करणारे ठेकेदार यांच्यावर गुन्हे दाखल करावे. व अर्थिक नुकसान भरपाई मृत्यू पावलेल्या शेख व लोंढे कुटुंबियांना देण्यात यावे अशी मागणी फलटणकरांकडून होऊ लागली आहे. 

पुणे - पंढरपुर पालखी महामार्गाचे काम सुरु आहे.त्या ठिकाणी कोणताहि सावधानतेचा ईशारा न देता बेकायदेशिरपणे गौण खणिजाची राञीच्या वेळी वाजता वहातुक केली जाते. त्याच बरोबर गाडीचा ड्रायव्हर नशाकेलेने बेधडक ड्राईव्हिंग करत आसतात. त्यांची ड्रंक ड्राईव्ह तपासणी केली जाते का? असे अनेक प्रश्न या घटनेने उपस्थित होत आहेत. त्यामुळे या घटनेची सखोल चौकशी करण्यात यावी अशी मागणी यावेळी करण्यात येणार आहे.

संबंधित ठेकेदारविरोधात सदोष मनुष्यवधाचा गुन्हा दाखल करण्यात यावा व मृत्यु पावलेले दोघेहि तरुण घरातील कर्ते पुरुष होते. त्यांच्या कुंटुंबावर मोठा आघात झालेला आहे. त्यांच्या लहान मुलाचे पितृ छञ हरपले आहे त्यामुळे त्यांना न्याय मिळावा अशी मागणी यावेळी करण्यात येणार आहे.

आज 17 मे तरी दुपारी 12 वाजता फलटण शहर पोलिस ठाणे येथे निवेदन देण्यासाठी मा.नगरसेवक सनी अहिवळे यांच्या निवासस्थाना पासुन जायचे असल्याने सर्वानी हजर रहावे असे आवाहन यावेळी करण्यात आले आहे. तर उद्या दिनांक 18 मे रोजी प्रांत कार्यालयावर मोर्चा काढण्यात येणार असल्याचे माजी नगरसेवक सनी अहिवळे यांनी कळविले आहे.