सत्ता असो वा नसो… काम करणारा नेता फक्त समशेरसिंह ! : फलटणकरांच्या प्रतिक्रिया

फलटण प्रतिनिधी – फलटण नगरपरिषदेत विरोधी पक्षनेतेपद भूषवताना समशेरसिंह नाईक निंबाळकर यांनी नागरिकांच्या मूलभूत सुविधांसाठी सातत्याने आवाज उठवत लक्षणीय कामगिरी केली. पद प्रतिष्ठेपेक्षा कामाला प्राधान्य देणाऱ्या नेतृत्वामुळे त्यांच्या कार्यकाळात अनेक प्रश्न मार्गी लागले, तर काही महत्त्वाच्या कामांना गती मिळाली असल्याचे फलटणकर सांगतात.

नगरपरिषदेतील सत्ताधाऱ्यांनी दुर्लक्षित केलेल्या विषयांवर प्रबळपणे लढा देत त्यांनी स्थायी समिती, सर्वसाधारण सभांमध्ये धारदार मांडणी करून नागरी सोयींना प्रथम पसंती द्यावी अशी सातत्याने मागणी केली.

पाणीपुरवठा सुरळीत करण्यासाठी रणधुमाळी

शहरातील पाणीपुरवठा विस्कळीत असताना समशेरसिंह निंबाळकर यांनी वारंवार पाठपुरावा करून अनेक भागातील पाणी समस्या सोडवण्यात महत्त्वाची भूमिका बजावली. अनेक वेळा प्रत्यक्ष विभागीय कार्यालयात, पाणीपुरवठा योजनेच्या ठिकाणी जाऊन पाहणी केली आणि तातडीने उपाययोजना करण्यास भाग पाडले.

स्वच्छतेसाठी ठोस प्रयत्न

शहरातील कचरा व्यवस्थापनाचा प्रश्न गंभीर होत असताना त्यांनी नगरपरिषदेला अनेकवेळा धारेवर धरले. वारंवार सूचना, बैठका, तसेच जनतेच्या तक्रारींचा पाठपुरावा करून अनेक उपनगरांमध्ये स्वच्छतेची स्थिती सुधारली.

नागरिकांच्या प्रश्नांना त्वरित प्रतिसाद

नागरिक एखादी तक्रार करतात त्वरित त्या ठिकाणी जाऊन तातडीने प्रशासनाशी संपर्क साधून उपाययोजना करणे हे त्यांचे वैशिष्ट्य मानले जाते. साधा स्ट्रीट लाईटपासून रस्ते, पाण्याची लिकेज, ड्रेनेज समस्या, नागरिकांचे व्यक्तिगत प्रश्न प्रत्येक बाबतीत ते नेहमी तत्पर असल्याची प्रतिक्रिया मतदारांतून व्यक्त होते.