निर्विकार ज्ञानसंकुलला राष्ट्रीय आयुर्वेद विद्यापीठाच्या प्रशिक्षण मान्यता मंडळाकडून चार आयुर्वेद अभ्यासक्रमांसाठी अधिकृत मान्यता : मान्यवरांच्या हस्ते प्रमाणपत्र प्रदान

पुणे | धैर्य टाईम्स | 18 मार्च 2025

भोसरी,पुणे येथील निर्विकार ज्ञानसंकुलला राष्ट्रीय आयुर्वेद विद्यापीठाच्या (RAV) प्रशिक्षण मान्यता मंडळाकडून (ATAB level 3) चार आयुर्वेद अभ्यासक्रमांसाठी अधिकृत मान्यता प्रमाणपत्र आयुष मंत्री प्रतापराव जाधव यांच्या हस्ते नुकतेच प्रदान करण्यात आले आहे. या समारंभाला आयुष सचिव पद्मश्री वैद्य राजेश कोटेचा, पद्मभूषण वैद्य देवेंद्र त्रिगुणा, NCSIM अध्यक्ष वैद्य जयंत देवपुजारी आणि आयुष सल्लागार वैद्य मनोज नेसरी उपस्थित होते.

पंचकर्म थेरपिस्ट कोर्स, आयुर्वेद निर्विकार ॲडव्हान्सड कोर्स, आयुर्वेद आणि पंचकर्म, स्त्रीरोग विज्ञान हे प्रमाणपत्र अभ्यासक्रम शिकवले जाणार आहेत. त्यामुळे सर्व सामन्यांना आयुर्वेदाच्या माध्यमातून रोजगाराची संधी उपलब्ध होणार आहे.

या महत्त्वपूर्ण मान्यतेमुळे निर्विकार ज्ञानसंकुलने आयुर्वेद शिक्षण आणि प्रशिक्षण क्षेत्रात एक नवा आयाम गाठला आहे आणि गुणवत्तापूर्ण आयुर्वेद शिक्षणासाठी एक विश्वासार्ह संस्था म्हणून स्थान मिळवले आहे. अधिक माहितीसाठी निर्विकार आयुर्वेद हॉस्पिटल, जय गणेश साम्राज्य, भोसरी पुणे.वैद्य अक्षय 8308260428, वैद्या प्राजक्ता 8624011185 यांच्याशी संपर्क साधावा.