सातारा जिल्हा बँकेच्या नोकर भरतीला स्थगिती आदेश ‌द्यावी : श्रीमंत महादजी शिंदे शेतकरी संघटना आणि आम आदमी पक्षाची मागणी

सातारा :

सातारा जिल्हा मध्यवर्ती सहकारी बँकेने सन २०२४ साठी बँकेतील नोकर भरती संदर्भात प्रसिद्ध माध्यमा‌द्वारे जाहिरात प्रसिद्ध केलेले आहे. सदर भरतीस विभागीय निबंधक सहकारी संस्था,कोल्हापूर कार्यालयाने मान्यता दिलेली आहे. सध्या जिल्हा बँकेतील संचालक मंडळाचा विचार करता प्रत्येक संचालक हा कोणत्या ना कोणत्या राजकीय पक्षाशी संबंधित आहे. अशा राजकीय पक्षाशी संबंधित असणाऱ्या संचालकाकडून आगामी विधानसभेची निवडणूक डोळ्यासमोर ठेवून नोकर भरती नियोजित केल्याचे दिसून येते. त्यामुळे ही भरती प्रक्रिया पारदर्शकपणे होणार नसल्याने, शासनाने संदर्भ पत्र क्रमांक 2 अन्वये रायगड जिल्हा बँकेची नोकर भरती स्थगित केलेली आहे. त्यास माननीय सहकार आयुक्त व निबंधक सहकारी संस्था पुणे यांनी सुद्धा नोकर भरतीस स्थगिती दिलेली आहे.

शासनाचे वरील संदर्भिय परिपत्रक क्र. 2 पाहता राज्यातील इतर जिल्हा मध्यवर्ती सहकारी बँकातील भरती प्रक्रियेस सामाजिक न्यायानुसार स्थगिती देणे आवश्यक आहे. त्यामुळे संभाव्य होतकरू उमेदवारांना भरती प्रक्रियेमध्ये न्याय मिळू शकतो व त्यांच्या कष्टाचे चीज होऊ शकते. त्यामुळे सातारा जिल्हा मध्यवर्ती सहकारी बँकेतील नोकर भरतीस स्थगिती देणेबाबत आपल्या स्तरावरून आवश्यक कार्यवाही होणे अपेक्षित आहे.

सहकारी कायदा हा सर्व सहकारी संस्थांना समान लागू आहे व आपले कार्यालय त्या कायद्याच्या अनुषंगाने चालत असल्याने आपण सहकारी कायद्याचे पालन करणारे आहात. त्यामुळे राज्यातील एका जिल्हा मध्यवर्ती सहकारी बँकेची नोकर भरती जर विधानसभा निवडणुकीची पार्श्वभूमी लक्षात घेऊन स्थगित केली असेल, तर त्याच न्यायाने राज्यातील इतर जिल्हा मध्यवर्ती सहकारी बँकांची नोकर भरतीस स्थगिती देणे आवश्यक आहे.

यावर तात्काळ उचित कारवाई करुन अशी आम्ही अपेक्षा ठेवत आहोत. तरी आपण तात्काळ सातारा जिल्हा मध्यवर्ती सहकारी बँकेच्या नोकर भरती २०२४ ला स्थगिती आदेश ‌द्यावा ही अशी मागणी श्रीमंत महादजी शिंदे शेतकरी संस्था (संघटना)अध्यक्ष श्री व आम् आदमी पक्ष सातारा जिल्हा युवा अध्यक्ष श्री. धैर्यशील लोखंडे यांनी विभागीय निबंधक सहकारी संस्था,कोल्हापूर यांच्याकडे केली आहे.