व्हेलेंटाइन डे ला फलटण आगाराची प्रवाशांना लालभडक नव्या एस. टी. बसची भेट : अखेर फलटण एस. टी. आगारात १० बसेस आगारात दाखल
टीम : धैर्य टाईम्स
उपलब्ध झालेल्या १० बसेसचा उदघाटन व लोकार्पण सोहळा आज 14 फेब्रुवारी रोजी सकाळी साडेआठ वाजता माजी. खासदार रणजितसिंह नाईक निंबाळकर यांच्या हस्ते व आमदार सचिन पाटील यांच्या उपस्थितीत संपन्न होत आहे
फलटण प्रतिनिधी :
महाराष्ट्र राज्य मार्ग परिवहन महामंडळ (एस. टी.) फलटण आगारासाठी माजी खासदार रणजितसिंह नाईक निंबाळकर यांच्या मागणीनुसार पहिल्या टप्प्यात नवीन १० बसेस उपलब्ध झाल्या असून आज 14 फेब्रुवारी व्हेलेंटाइनडे ला फलटण आगाराची प्रवाशांना लालभडक नव्या एस. टी. बसची भेट दिली आहे.
फलटण एस. टी. आगारातून मुंबई, पुणे, मलकापूर, औरंगाबाद, नाशिक, नगर, कोल्हापूर वगैरे अनेक लांब पल्ल्याच्या गाड्यांसह फलटण तालुक्यातील विविध गावात एस. टी. च्या सुमारे ११० बसेसच्या
माध्यमातून प्रवासी वाहतूक करीत असतात, तथापि गेल्या १०/१२ वर्षांपासून या आगारातील अनेक बसेस प्रवासी वाहतूकी योग्य राहिल्या नसल्याने लांब पल्ल्याच्या मार्गावरील अनेक बसेस टप्प्याटप्प्याने बंद करण्यात आल्या होत्या. तालुक्यातील स्थानिक अनेक मार्गावरील बस फेऱ्या कमी करण्यात आल्या होत्या त्यामुळे प्रवाशांची मोठी कुचंबना होत होती. मात्र आता मागणी केलेल्या बस पैकी दहा नव्या बस आज फलटण आगारात दाखल झाल्या आहेत. तर उर्वरित बस लवकरच मिळतील असे वरिष्ठ अधिकाऱ्यांनी सांगितले.
माजी खासदार रणजितसिंह नाईक निंबाळकर व आ. सचिन पाटील यांनी परिवहन मंत्री ना. प्रताप सरनाईक यांच्याकडे गतसप्ताहात फलटण आगारासाठी तातडीने किमान २० बसेस उपलब्ध करुन देण्याची मागणी केली होती, त्यानुसार पहिल्या टप्प्यात अशोक लेलैंड बी. एस. ६ (सिक्स) १० नवीन बसेस उपलब्ध करुन देण्यात आल्या आहेत.
दरम्यान फलटण आगार व बस स्थानक इमारती जुन्या झाल्या असून वाढत्या प्रवासी संख्येसाठी त्या पुरेशा नसल्याने नवीन अद्ययावत, सुसज्ज व प्रशस्त इमारती उभारण्यासाठी आपण रणजितसिंह नाईक निंबाळकर यांच्या मार्गदर्शनाखाली प्रयत्नशील असल्याचे आ. सचिन पाटील यांनी अगोदरच निदर्शनास आणून दिले आहे.
उपलब्ध झालेल्या १० बसेसचा उदघाटन व लोकार्पण सोहळा आज 14 फेब्रुवारी रोजी सकाळी साडेआठ वाजता माजी. खासदार रणजितसिंह नाईक निंबाळकर यांच्या हस्ते व आमदार सचिन पाटील यांच्या उपस्थितीत संपन्न होत आहे.
संबंधित बातम्या
