दिलीपराव तुम्ही नगराध्यक्ष पदाला उभे असणार तर माझी उमेदवारी असण्याची शक्यता आहे : रामराजे

फलटण : सचिन मोरे 

 नगरपरिषद निवडणुकीला आता चांगला रंग चढू लागला आहे. महायुतीचे नगराध्यक्ष पदाच्या संभाव्य उमेदवार माजी नगराध्यक्ष दिलीपसिंह भोसले यांच्या नावाची चर्चा शहरात सुरु आहे. फलटण येथे झालेल्या एका पत्रकार परिषदेमध्ये विधान परिषदेचे माजी सभापती आमदार श्रीमंत रामराजे नाईक निंबाळकर यांनी दिलीपसिंह भोसले यांना थेट आव्हान दिले असून, दिलीपराव तुम्ही नगराध्यक्ष पदाला उभे असणार तर माझी उमेदवारी असण्याची जास्त शक्यता असल्याचे रामराजे म्हणाले होते. 

दिलीपरावांना म्हणावे तुम्हाला पंच्याहत्तरीला नगराध्यक्ष व्हायचे असेल तर मी अष्ट्याहत्तरीला उभे राहण्याचे शक्यता जास्त आहे असा टोला रामराजे यांनी लगावला. तर काय सांगतो तो दिलीप असा एकेरी उल्लेख यावेळी रामराजे यांनी दिलीपसिंह भोसले यांचा केला. 

फलटण फेस्टिवलला जागा न दिल्याने तो बंद झाला असा आरोप दिलीपसिंह भोसले यांनी केला होता. तर मी आमदार झाल्यावर फलटण फेस्टिवल ला गेले असल्याचे रामराजे यांनी यावेळी निदर्शनास आणून दिले. तर संजीवराजे यांनी कार्यक्रमासाठी विमानतळ पडलं आहे की असे सांगितले. त्यांच्या पत्नी यांच्या फूड फेस्टिवल ला सुद्धा क्लबची जागा आपणच दिल्याचे यावेळी संजीवराजे नाईक निंबाळकर यांनी सांगितले.

दिलीपराव भोसले यांची शाळा ओपन स्पेस होती त्यांच्या नावावर कोणी केली असा प्रश्न यावेळी रामराजे यांनी उपस्थित करुन आपणाच त्यांना ती जागा दिल्याचे रामराजे यांनी यावेळी निदर्शनास आणून दिले. तर त्यांच्या मिसेस दोनदा आमच्याकडे नगर पालिकेत होत्या असे रामराजे यांनी सांगितले. असं घडलं नसते तर त्यांचा मुलगा तेजू हा नगराध्यक्ष पदासाठी पात्र असल्याचे आपली भावना होती असे रामराजे यांनी सांगितले.