'लाडकी बहीणचा पहिला हप्ता लवकरच जमा होणार : नानासाहेब उर्फ पिंटू ईवरे

फलटण : धैर्य टाईम्स

राज्य सरकार, मुख्यमंत्री ना. एकनाथ शिंदे, उपमुख्यमंत्री ना. देवेंद्र फडणवीस, ना. अजितदादा पवार यांची महत्वकांक्षी मुख्यमंत्री लाडकी बहिण - योजनेची फलटणमध्ये युध्द पातळीवर अंमलबजावणी सुरु आहे. त्याचा अनेक महिलांना फायदा होणार आहे. तर येणाऱ्या काही दिवसात मुख्यमंत्री लाडकी बहीण योजनेचा पहिला - हप्ता लाभार्थी महिलांच्या खात्यावर जमा होणार अशी माहिती शिवसेना फलटण तालुका प्रमुख नानासाहेब उर्फ पिंटू ईवरे यांनी दिली. 

जिल्ह्याचे पालकमंत्री शंभुराज देसाई हे प्रत्यक्ष तालुकानिहाय आढावा बैठकद्वारे लक्ष ठेवून आहेत, जेणेकरुन जिल्ह्यात जास्तीत जास्त महिला भगिनींना लाभ मिळाला पाहिजे. तालुक्यात एकुण अर्ज ५८ हजार १४९ अर्ज दाखल झाले होते त्यापैकी ५४ हजार १३ मंजुर करुन पुढील कार्यवाही साठी जिल्हास्तरावर पाठवले गेले आहेत. ज्या महिलांचे वय ६५ पेक्षा जास्त होते अशा १० महिलांचे अर्ज नामंजूर करण्या आले आहेत. तसेच ४ हजार१२६ अर्ज अपुऱ्या कागदपत्रा अभावी तात्पुरते नामंजुर करण्यात आले आहेत. ८ ऑगस्ट रोजी हे तात्पुरते नामंजुर अजर्जाची त्रुटी भरुन काढण्यासाठी प्रांताधिकारी सचिन ढोले, या योजनेचे सचिव तहसिलदार डॉ. अभिजीत जाधव यांच्या मार्गदर्शनाखाली गटविकास अधिकारी, चंद्रकांत बोडरे, मुख्याधिकारी निखिल मोरे, बाल विकास प्रकल्प अधिकारी गवळी मॅडम यांच्या टिम तर्फे आज दिवसभरात सर्व तात्पुरते अर्ज मंजुर करुन पुढे पाठण्याचे लक्ष ठेवले आहे. अर्जाची छाननी करण्यासाठी फलटण सांगितले आहे.

तहसिल कार्यालय, सेतु केंद्र, आधार केंद्र, तलाठी, आरोग्य कर्मचारी, महिला बालकल्याण विभाग, अंगणवाडी सेविका, नगरपरिषद कर्मचारी, दिवसरात्र काम करत अर्ज पडताळणी करण्यात मोलाचा वाटा उचलला असून येणाऱ्या काही दिवसात मुख्यमंत्री लाडकी बहीण योजनेचा पहिला हप्ता लाभार्थी महिलांच्या थेट खात्यावर जमा होणार असल्याने राज्यशासन, जिल्हा प्रशासन सतर्क असल्याचे फलटण तालुका शिवसेनाप्रमुख तथा सदस्य मुख्यमंत्री लाडकी बहीण योजना फलटण-कोरेगाव विधानसभा नानासो उर्फ पिंटू इवरे यांनी सांगितले आहे.