सखी... कविता..

सखी

 

नव्या शतकाची तू तेजस्विनी 

 नव्या युगाची तू क्रांतीज्योती!  

 दाही दिशातून तुझ्या 

कर्तुत्वाचे दीप उजळती  

  स्त्री-पुरुषांची समानता 

नको केवळ कागदावरी|. 

प्रत्यक्षात साकाराया. 

तू अन तूच संघर्ष करी|

 नवीन वारे घेऊन ये तू 

नव्या विचारांचा वसा 

 तुझ्या अमोघ कर्तुत्वाचा 

उमटू दे कणाकणात ठसा |

जिजाऊ झाशीची राणी 

यांचा घेऊ या सदा आदर्श!

 कर्तुत्व सिद्ध करण्यासाठी 

केला त्यांनी जीवनभर संघर्ष

 उठ -उठ पेटून आता तू

तुझिया न्याय हक्कासाठी|

 दे लढा सखी आत्ता तू 

तुझिया अस्तित्वासाठी|

 जबाबदारी पार पाडताना

 घे आनंद क्षणाक्षणाचा |

 जगशील तू तुझ्यासाठी 

तोच क्षण असेल सौख्याचा|

 जीवनाच्या संघर्ष वाटेवर 

वाईट प्रसंग विसरूनी 

चाल सखी आता पुढे तू  

जीवनात नवे रंग भरूनी||

 

सौ. शर्मिला संजय शिंदे, कोपर्डे, ता. खंडाळा