न्यायालयाने कोणताही अर्ज वैध ठरवला नसल्याने परिस्थिती जैसे थे राहील - तहसीलदार तथा निवडणूक सहाय्यक अधिकारी डॉ. अभिजीत जाधव

फलटण प्रतिनिधी - नामनिर्देशन पत्र नव्याने कोणीही दाखल करू शकणार नाही. नामनिर्देशन माघारी घेण्याची मुदत त्यांनाच दिली जाईल ज्यांचा अर्ज निवडणूक अधिकारी यांनी अवैध ठरवला मात्र जिल्हा न्यायालयाने तो वैध ठरवला आहे. मात्र फलटण नगरपरिषद निवडणूकीच्या बाबतीत असा कोणताही अर्ज न्यायालयाने वैध ठरवला नसल्याने फलटण नगर परिषदेच्या निवडणुकीची परिस्थिती जैसे थे राहील असे तहसीलदार तथा निवडणूक सहाय्यक अधिकारी डॉ. अभिजीत जाधव यांनी धैर्य टाईम्सशी बोलताना सांगितले. 

 11 डिसेंबर रोजी नव्याने चिन्ह वाटप होईल तर प्रचार आताही सर्व उमेदवार सुरु ठेऊ शकतात मात्र निवडणूक खर्चाची मर्यादा त्यांना सांभाळावी लागेल असे यावेळी डॉ. अभिजित जाधव यांनी निदर्शनास आणून दिले. 

 मतदान शनिवार दिनांक 20 डिसेंबर 2025 रोजी सकाळी साडेसात ते सायंकाळी साडेपाच पर्यंत होणार आहे. तर निवडणुकीचा निकाल रविवार दिनांक 21 डिसेंबर रोजी सकाळी दहा वाजल्यापासून सुरू होणार आहे. या संदर्भातील अधिक माहिती जिल्हाधिकारी कार्यालयाकडून लवकरच येईल असे शेवटी तहसीलदार तथा निवडणूक सहाय्यक अधिकारी डॉ. अभिजीत जाधव यांनी सांगितले.