पुन्हा विजयी गुलाल खेळायचा! – रणजीतसिंह नाईक निंबाळकरांच्या स्टेटसमुळे राजकीय चर्चांना उधाण

https://youtube.com/shorts/HJbi9eLJ2Sk?si=uZLf4jV31GzzYxxD

फलटण | प्रतिनिधी

माजी खासदार रणजीतसिंह नाईक निंबाळकर यांनी सोशल मीडियावर “पुन्हा विजयी गुलाल खेळायचा” असा सूचक स्टेटस ठेवल्याने फलटण तालुक्यासह संपूर्ण जिल्ह्यात राजकीय चर्चांना उधाण आले आहे. येत्या काळात पंचायत समिती व जिल्हा परिषद निवडणुका येऊ घातलेल्या पार्श्वभूमीवर या स्टेटसकडे केवळ वैयक्तिक भावना म्हणून न पाहता राजकीय संकेत म्हणून पाहिले जात आहे.

अलीकडेच पार पडलेल्या फलटण नगरपालिका निवडणुकीत सत्तांतर झाले असून, त्यानंतर राजकीय वातावरण अधिकच तापले आहे. अशा परिस्थितीत नाईक निंबाळकरांचा हा स्टेटस म्हणजे आगामी निवडणुकांसाठीची तयारी, कार्यकर्त्यांना दिलेला संदेश आणि राजकीय मैदानात पुन्हा सक्रिय होण्याचा इशारा असल्याची चर्चा सुरू आहे.

“गुलाल” हा शब्द राजकारणात विजयाचे प्रतीक मानला जातो. त्यामुळे पंचायत समिती व जिल्हा परिषद निवडणुकांमध्ये ताकदीनिशी उतरण्याचा निर्धार त्यांनी या स्टेटसद्वारे व्यक्त केला असल्याचे समर्थकांचे म्हणणे आहे. तर विरोधकांकडूनही या स्टेटसची दखल घेत रणनीती आखण्यास सुरुवात झाल्याचे बोलले जात आहे.

एकूणच, रणजीतसिंह नाईक निंबाळकर यांच्या एका ओळीच्या स्टेटसमुळे तालुक्यातील राजकीय हालचालींना वेग आला असून, आगामी पंचायत समिती व जिल्हा परिषद निवडणुका अधिकच चुरशीच्या ठरणार असल्याचे चित्र स्पष्ट होत आहे.