बेकायदेशीर नळ कनेक्शनवर पालिकेचा धडक निर्णय; 27 एप्रिलपर्यंत नियमितीकरणाची मुदत
टीम : धैर्य टाईम्स
शहरातील पाणीपुरवठा अधिक नियमित, सुरळीत व योग्य दाबाने व्हावा यासाठी ही मोहीम राबविण्यात येत असल्याचे सांगून, येत्या काही दिवसांत सर्व भागांना व्यवस्थित पाणीपुरवठा करण्यासाठी नगरपालिका कटिबद्ध असल्याचे मुख्याधिकारी निखिल जाधव यांनी स्पष्ट केले.
फलटण प्रतिनिधी -
फलटण नगरपरिषद हद्दीतील बेकायदेशीर नळ कनेक्शनधारक नागरिकांवर कारवाईचा इशारा देत पालिकेने कडक भूमिका घेतली आहे. ज्या नागरिकांनी अनधिकृत नळ कनेक्शन घेतले आहेत, त्यांनी 27 एप्रिल 2026 पर्यंत स्वतःहून ते नियमित करून घ्यावेत, अन्यथा संबंधित कनेक्शन कायमचे बंद करून दंडात्मक कारवाई करण्यात येईल, असा स्पष्ट इशारा नगरपरिषदेचे मुख्याधिकारी निखिल जाधव यांनी दिला आहे.
नगरपालिकेच्या वतीने देण्यात आलेल्या माहितीनुसार, दिलेल्या मुदतीत नागरिकांनी नळ कनेक्शनची नोंदणी केल्यास कोणताही दंड आकारला जाणार नाही. मात्र, मुदत संपल्यानंतरही नियमांचे पालन न करणाऱ्यांवर कठोर कारवाई करण्यात येणार आहे.
यासोबतच शहरातील सर्व सार्वजनिक नळ कनेक्शन बंद करण्याचा निर्णयही पालिकेने घेतला आहे. सार्वजनिक नळांवर अवलंबून असलेल्या नागरिकांसाठी पर्याय म्हणून दोन ते पाच नागरिकांच्या गटासाठी ‘ग्रुप नळ कनेक्शन’ देण्याची योजना राबविण्यात येणार आहे.
शहरातील पाणीपुरवठा अधिक नियमित, सुरळीत व योग्य दाबाने व्हावा यासाठी ही मोहीम राबविण्यात येत असल्याचे सांगून, येत्या काही दिवसांत सर्व भागांना व्यवस्थित पाणीपुरवठा करण्यासाठी नगरपालिका कटिबद्ध असल्याचे मुख्याधिकारी निखिल जाधव यांनी स्पष्ट केले.
संबंधित बातम्या
