श्रीराम जवाहर साखर कारखाना फलटणच्या बेकायदेशीर वसुलीने वाहतूकदार देशोधडीला

फलटण प्रतिनीधी :- श्रीराम जवाहर साखर कारखाना प्रशासनाकडून ऊस हंगामाकरीता ऊस वाहतूकदार यांना दिलेल्या रक्कम वसुलीसाठी ऊस वाहतूकदार यास सोडून जमीनदार ऊस वाहतूकदार यांच्या वाहतूक बिलातून बेकायदेशीर वसुली करत असल्याने वाहतूकदार यांच्यात नाराजी निर्माण झाली असून पुढील हंगामाकरीता श्रीराम जवाहर साखर कारखाना फलटण यांच्याकडे पाठ फिरवली आहे.

ऊस वाहतूक करणाऱ्या मूळ वाहतूकदार यांच्या विरोधात गुन्हा दाखल न करता उचल दिलेल्या रकमेची कोरे चेक घेऊनही वसुली न करता ऊस वाहतूकदार याच्या कडून कोणत्याही प्रकारची आगाऊ नोटीस न देता जामीनदार वाहतूकदार यांच्या बिलातून पैशाच्या वसुलीसाठी शेतकी अधिकारी प्रल्हाद लावंड हे सक्ती करून बेकायदेशीर वसुली करत आहेत.

श्रीराम जवाहर साखर कारखाना प्रशासनाकडून मागील वर्षी कारखान्याला ऊस वाहतूक करण्यासाठी ट्रॅक्टर ट्रेलर एका टोळीला किमान 5 लाख रुपये दिले होते. त्यासाठी संबंधित कारखाना यांनी ऊस वाहतूकदार यांना बँकेकडून कर्ज काढून रक्कम दिली जाते या कर्जाला संबंधित कारखाना जामीन असतो. ही रक्कम दिल्यानंतर संबंधित मुकादम व ऊस वाहतूकदार यांच्यात करार होतो. त्यात किती लोक पाठवणार, त्यासाठी किती रक्कम मिळणार, याचा उल्लेख असतो. कारखान्यांकडून प्रती तोडणी टन व प्रति वाहतूक टन रक्कम ठरवून वाहतूकदाराला पैसे दिले जातात, त्यातून वाहतूकदार बँकेच्या कर्जाची रक्कम परत करत असतो. असा हा व्यवहार आहे.

अलीकडे उसाचे वाढलेले क्षेत्र, त्याचबरोबर साखर कारखान्यांची वाढलेली संख्या आणि त्या तुलनेत कमी झालेले ऊस तोडणी मजूर याचा गैरफायदा घेऊन काही मुकादमांनी ऊस वाहतूकदारांना गंडा घातला आहे. करार सर्वांसोबत करायचे, सर्वांकडून डिपॉझिट रक्कम घ्यायची आणि मजूर मात्र तिसरीकडेच पाठवायचे, असे प्रकार गेल्या दोन वर्षांत वाढले आहेत. 

मुकादम व वाहतूकदार यांच्यातील कराराला कायदेशीर आधार नाही तसाच वाहतूक व कारखाना यांच्यातील कराराला कायदेशीर आधार नाही मूळ वाहतूकदार यांच्याकडून वसुली न करता जमीन झालेल्या वाहतूकदार यांच्या बँकेत जमा होणाऱ्या तोडणी वाहतूक बिलातून पैशाच्या वसुलीसाठी शेतकी अधिकारी प्रल्हाद लावंड हे अरेरावीची भाषा करत बेकायदेशीरित्या रक्कम वसुली करत असल्याने दुसऱ्या वाहतूकदारांची उचल भरण्यासाठी वाहने विकून रक्कम भरण्याची वेळ काही वाहतूकदार यांच्यावर आली आहे. मूळ वाहतूकदार यांच्यावर फसवणुकीचा गुन्हा दाखल न करता, सुरक्षा चेक ने वसुली न करता आगाऊ सूचना व नोटीस न देता बिल रकमेतून केली जाणारी वसुलीस वाहतूकदार यांनी विरोध केला आहे.

श्रीराम जवाहर साखर कारखाना शेतकी अधिकारी प्रल्हाद लावंड यांच्या मनमानी, हुकूमशाही, अरेरावीची मुळे पुढील हंगमातील वाहतूक परिस्थिती गंभीर बनणार असून अनेक ऊस वाहतूकदार यांनी श्रीराम जवाहर साखर कारखाना यांच्याकडे ऊस वाहतूक करार न करण्याचा निर्णय घेतला आहे.श्रीराम जवाहर साखर कारखाना शेतकी अधिकारी प्रल्हाद लावंड हे स्वतःच आम्ही बेकायदेशररित्या वसुली करत असल्याचे मान्य करत असल्याने शेतकी अधिकारी यांच्यावर श्रीराम जवाहर साखर कारखाना तसेच साखर आयुक्त कोणती कारवाई करणार याकडे वाहतूकदार यांचे लक्ष लागले आहे.

फलटण तालुक्यातील अनेक ऊस कारखान्यात तसेच शेजारील तालुक्यातील ऊस कारखान्यात पराक्रम गाजवून आलेल्या "त्या" शेतकी अधिकाऱ्याची उचल बांगडी करण्याची मागणी ऊस वाहतूकदार यांनी केली असून स्वतःला कारखान्याचे मालक समजणाऱ्या "त्या" शेतकी अधिकाऱ्याला त्याची जागा दाखवण्याची वेळ आली आहे.